അയിരൂർ : ജില്ലാ ആയുർവേദ ആശുപത്രിയുടെ പേവാർഡ് നിർമാണം ഇരുപതോളം കോൺക്രീറ്റ് തൂണുകളിൽ ഒതുങ്ങിയിട്ട് രണ്ടര വർഷത്തിലേറെയായി. ആശുപത്രിയിൽ പേവാർഡ് നിർമിക്കണമെന്നുള്ള ആവശ്യത്തിനു വർഷങ്ങളുടെ പഴക്കമുണ്ട്. പതിറ്റാണ്ടുകൾക്ക് മുൻപ് ആയുർവേദ ആശുപത്രി പ്രവർത്തിച്ചിരുന്ന 25 സെന്റിലാണ് നിർമാണം പാതിവഴിയിൽ നിലച്ചുകിടക്കുന്നത്.ഭാരതീയ ചികിത്സാവകുപ്പിന്റെ 2016–2017 വാർഷിക പദ്ധതിയിൽ 5 കോടി രൂപയാണ് ഉൾപ്പെടുത്തിയിരുന്നതെന്ന് പറയപ്പെടുന്നു. പൊതുമരാമത്ത് വകുപ്പിനായിരുന്നു നിർമാണച്ചുമതല. ആധുനിക സൗകര്യങ്ങളോടു കൂടിയ 4 നില കെട്ടിടം നിർമിക്കുന്നതിന് ആയുഷ്‌വകുപ്പിന്റെ അനുമതി ലഭിച്ചിരുന്നുവെന്നും പറയുന്നു. നിർമാണം മുടങ്ങിക്കിടക്കുന്ന സ്ഥലം ഇപ്പോൾ കാട് വളർന്നു. കോൺക്രീറ്റ് തൂണുകളിലും വള്ളിപ്പടർപ്പുകൾ കയറി. ഇത്തരത്തിലുള്ള സ്ഥിതി തുടർന്നാൽ ഇഴജന്തുക്കളുടെ കേന്ദ്രമാകുമെന്നാണ് നാട്ടുകാർ പറയുന്നത്. ഇപ്പോൾ ആശുപത്രി പ്രവർത്തിക്കുന്ന കെട്ടിടം 2 പതിറ്റാണ്ട് മുൻപു മുഖ്യമന്ത്രി ഇ.കെ.നായനാർ ഉദ്ഘാടനം ചെയ്തതാണ്. 2000 ഓഗസ്റ്റ് 4ന് ആണ് കെട്ടിടം തുറന്നത്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
