പുല്‍പള്ളി : പുല്‍പള്ളി സൗത്ത് ഇന്ത്യന്‍ ബാങ്കിനുമുന്നില്‍ ഇടത് കര്‍ഷക സംഘടനകളുടെ നേതൃത്വത്തില്‍ നടത്തി വരുന്ന സമരത്തിന് ഹൈക്കോടതിയില്‍ നിന്നും സ്റ്റേ. കഴിഞ്ഞ രണ്ടാഴ്ചയിലേറെയായി ബാങ്കിനുമുന്നില്‍ സമരം തുടര്‍ന്നിരുന്നത് ബാങ്കിന്റെ പ്രവര്‍ത്തനത്തെ ബാധിക്കുമെന്ന് ചൂണ്ടിക്കാട്ടി ബാങ്ക് മാനേജ്മെന്റ് കോടതിയെ സമീപിച്ചാണ് സ്റ്റേ വാങ്ങിയത്. ബാങ്കിന്റെ നൂറുമീറ്റര്‍ ചുറ്റളവില്‍ സമരം പാടില്ലെന്ന് കോടതി ഉത്തരവില്‍ പറഞ്ഞു. ഇതുമായി ബന്ധപ്പെട്ട് വാദം അടുത്ത മാസം നാലിന് കോടതി കേള്‍ക്കും.
ഇരുളത്തെ അഭിഭാഷകന്‍ ടോമി ആത്മഹത്യ ചെയ്ത സംഭവത്തെത്തുടര്‍ന്നാണ് ബാങ്കിനുമുന്നില്‍ കര്‍ഷക സംഘടനകള്‍ സമരം ശകതമാക്കിയിരുന്നത്. ഹൈക്കോതിയില്‍ കര്‍ഷക സംഘടനകളും പങ്കുചേരുമെന്ന് സമര സമിതി അറിയിച്ചു. പുല്‍പള്ളിയില്‍ നടത്തിയ പൊതുയോഗത്തിലാണ് ഇക്കാര്യം അറിയിച്ചത്. സ്റ്റേയെത്തുടര്‍ന്ന് ബാങ്കിനു മുന്നില്‍ പോലീസ് കാവല്‍ ഏര്‍പ്പെടുത്തിയിട്ടുണ്ട്.
