ഖമീസ്‌ മുശൈത്ത് : കോവിഡ് ചികിത്സയിലിരിക്കെ ഹൃദയാഘാതത്തെ തുടർന്ന് തൃശ്ശൂർ സ്വദേശി അസീറിൽ മരിച്ചു. എടത്തിരുത്തി സിറാജ് നഗറിൽ മേലറ്റത്ത് അൻവർ (50) ആണ് മരിച്ചത്. അസീറിലെ കിങ് ഖാലിദ് മെഡിക്കൽ കോളേജ് ആശുപത്രിയിൽ വെച്ചാണ് മരണം. അബഹ റോഡിൽ മസ്ദർ ട്രേഡിങ്ങ് കമ്പനിയിൽ സെയിൽസ്മാനായി ജോലി ചെയ്തു വരികയായിരുന്നു.
പിതാവ്: അഹമ്മു, മാതാവ്: ബീവാത്തു, ഭാര്യ: ലിജി, മക്കൾ: ഇർഫാന തസ്‌നീം (13) മിൻഹാ തസ്‌നീം (എട്ട്). കിങ് ഖാലിദ് മെഡിക്കൽ കോളേജ് ആശുപത്രി മോർച്ചറിയിലുള്ള മൃതദേഹം അസീറിൽ സംസ്കരിക്കുമെന്ന് ബന്ധുക്കൾ അറിയിച്ചു.
