കരുനാഗപ്പള്ളി : സൗദി അറേബ്യയില്‍ കൊവിഡ് ബാധിച്ച്‌ ഒരു മലയാളി കൂടി മരിച്ചു. കരുനാഗപ്പള്ളി സ്വദേശി വടക്ക് നിര്‍മ്മാല്യത്തില്‍ ഗോപാലകൃഷ്ണ പിള്ളയാണ് (55) മരിച്ചത്. അല്‍മനാമ ആശുപത്രിയില്‍ പുലര്‍ച്ചെ രണ്ടുമണിയോടെ മരിച്ചതായി ബന്ധുക്കള്‍ക്ക് വിവരം ലഭിച്ചു. പട്ടാളത്തില്‍ നിന്ന് വിരമിച്ച ഗോപാലകൃഷ്ണപിള്ള കഴിഞ്ഞ ആറ് വര്‍ഷമായി ഗള്‍ഫിലെ എന്‍.എസ്.എച്ച്‌ കോര്‍പ്പറേഷനിലെ ജീവനക്കാരനാണ്. പനിയെ തുടര്‍ന്ന് രണ്ടാഴ്ചയായി ആശുപത്രിയില്‍ ചികിത്സയിലായിരുന്നു. ഭാര്യ – ശ്രീജാ കുമാരി. മക്കള്‍ – ശ്രുതി കൃഷ്ണന്‍, സ്മൃതി കൃഷ്ണന്‍. മരുമകന്‍ – മഹേഷ് മോഹന്‍.
