തിരുവനന്തപുരം : സംസ്ഥാനത്ത് ഇന്ന് 123 പേര്‍ക്ക് കോവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന്‍. തുടര്‍ച്ചയായ ഏഴാം ദിവസമാണ് രോഗികളുടെ എണ്ണം 100 കവിയുന്നത്. 84 പേര്‍ വിദേശത്തുനിന്നു വന്നരാണ്. മറ്റു സംസ്ഥാനങ്ങളില്‍നിന്ന് 33 പേര്‍. 6 പേര്‍ക്കു സമ്പര്‍ക്കം വഴി രോഗം ബാധിച്ചു. ഇന്നു 53 പേര്‍ക്കു രോഗമുക്തിയുണ്ടായി. ഹോട്‌സ്‌പോട്ടുകളുടെ എണ്ണം 113 ആയി.
ഇന്ന് രോഗം സ്ഥിരീകരിച്ചത് പാലക്കാട് 24,ആലപ്പുഴ 18, പത്തനംതിട്ട13, കൊല്ലം 13, എറണാകുളം10, തൃശൂര്‍ 10, കണ്ണൂര്‍ 9, കോഴിക്കോട് 7, മലപ്പുറം 6, കാസര്‍കോട് 4, ഇടുക്കി 3, തിരുവനന്തപുരം2, കോട്ടയം 2, വയനാട് 2 എന്നിങ്ങനെയാണ്
ഇതുവരെ രോഗം ബാധിച്ചവരുടെ എണ്ണം 3726 ആയി. 1761 പേര്‍ ചികില്‍സയിലുണ്ട്. 159616 പേരാണ് നീരീക്ഷണത്തിലുള്ളത്. ഇതില്‍ 2349 പേര്‍ ആശുപത്രികളില്‍. ഇന്ന് 344 പേരെ ആശുപത്രിയില്‍ പ്രവേശിപ്പിച്ചു. ഇതുവരെ 156401 സാമ്പിള്‍ പരിശോധനയ്ക്ക് അയച്ചു. 4182 സാമ്പിളുകളുടെ പരിശോധനാഫലം വരാനുണ്ട്. സംസ്ഥാനത്ത് ഹോട്ട് സ്‌പോട്ട് 113.
