കൊച്ചി : കൊച്ചി നഗരസഭ പരിധിയിലുള്ള കടകള് കോവിഡ് പ്രോട്ടോക്കോള് കര്ശനമായി പാലിക്കണമെന്ന് നഗരസഭ. പ്രോട്ടോക്കോള് ലംഘനം കണ്ടെത്തിയാല് സ്ഥാപനങ്ങളുടെ ലൈസന്സ് റദ്ദാക്കാനാണ് തീരുമാനം. സ്ഥാപനങ്ങളിലെത്തുന്നവര് മാസ്ക് ധാരണം, സാമൂഹിക അകലം പാലിക്കല്, സാനിറ്റൈസര് ഉപയോഗം തുടങ്ങിയവ കര്ശനമായി പാലിക്കണം. കൂടാതെ 10 വയസ്സിന് താഴെയും 60 വയസ്സിന് മുകളിലും പ്രായമുള്ളവര് ആരും തന്നെ സ്ഥാപനങ്ങളില് പ്രവേശിക്കുന്നില്ലെന്നും ഉറപ്പുവരുത്തണം.
എറണാകുളം ജില്ലയിൽ ഇന്നലെ എട്ട് പേർക്കാണ് രോഗം സ്ഥിരീകരിച്ചത്. ജില്ലയിലെ ആശുപത്രികളിൽ കോവിഡ് രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 139 ആണ്. അതേസമയം സംസ്ഥാനത്ത് കോവിഡ് നിയന്ത്രണങ്ങൾ കടുപ്പിക്കുകയാണെന്ന് ഡിജിപി ലോക്നാഥ് ബെഹ്റ പറഞ്ഞു. ഇനി ഉപദേശമില്ലെന്നും പിഴയടക്കം കർശന നടപടിയിലേക്ക് നീങ്ങുകയാണണെന്നും ഡിജിപി വ്യക്തമാക്കി. ജനങ്ങളുടെ ജാഗ്രത കുറയുന്നതിനാലാണ് നിയന്ത്രണം കടുപ്പിക്കുന്നതെന്ന് പറഞ്ഞ ഡിജിപി, പോലീസ് ഇറങ്ങുന്നത് സാമൂഹിക അകലം ഉറപ്പാക്കാനാണെന്നും വ്യക്തമാക്കി.