തിരുവനന്തപുരം: കേരളത്തില്‍ ഇന്ന് 1417 പേര്‍ക്ക് കൊവിഡ് സ്ഥിരീകരിച്ചു. 1426 പേര്‍ രോഗമുക്തി നേടി. അഞ്ച് കോവിഡ് മരണം സംസ്ഥാനത്ത് ഇന്ന് റിപ്പോര്‍ട്ട് ചെയ്തു. തിരുവനന്തപുരം വര്‍ക്കല സ്വദേശി ചെല്ലയ്യന്‍ (68), കണ്ണൂര്‍ കോളയാട് കുമ്പ മാറാടി (75), തിരുവനന്തപുരം വലിയ തുറ മണിയന്‍ (80), ചെല്ലാനം സ്വദേശി റാത്ത ചാള്‍സ്, വെള്ളനാട് സ്വദേശി പ്രേമ (52) എന്നിവരാണ് കൊവിഡ് ബാധിച്ച് മരിച്ചത്. 1242 പേര്‍ക്ക് സമ്പര്‍ക്കത്തിലൂടെയാണ് ഇന്ന് കൊവിഡ് ബാധിച്ചത്. അതില്‍ ഉറവിടം അറിയാത്തത് 105 പേര്‍. വിദേശത്ത് നിന്ന് എത്തിയവര്‍ 62, മറ്റു സംസ്ഥാനങ്ങളില്‍ വന്നവര്‍ 72. ആരോഗ്യപ്രവര്‍ത്തകര്‍ 36. 24 മണിക്കൂറിനിടെ 21,625 സാംപിളുകള്‍ പരിശോധിച്ചു.
ഇന്ന് രോഗം സ്ഥിരീകരിച്ചവര്‍ – തിരുവനന്തപുരം 291, കൊല്ലം 25, ആലപ്പുഴ 146, പത്തനംതിട്ട 20, കോട്ടയം 24, ഇടുക്കി 4, എറണാകുളം 133, തൃശൂര്‍ 32, പാലക്കാട് 141, മലപ്പുറം 242, കോഴിക്കോട് 158, വയനാട് 18, കണ്ണൂര്‍ 30, കാസര്‍കോട് 147 എന്നിങ്ങനെയാണ്.
