വാഷിങ്ടണ്‍: കോവിഡ് കണ്ടെത്താന്‍ പുതിയ ടെസ്റ്റ്‌ കിറ്റുമായി അമേരിക്ക. ഇതിന് യു എസ് ഫുഡ് ആന്‍ഡ് ഡ്രഗ്ഗ് അഡ്മിനിസ്‌ട്രേഷന്‍ അനുമതി നല്‍കി. ലൂസിറ ഹെല്‍ത്ത് എന്ന കമ്പനിയാണ് ഈ പരിശോധനാ കിറ്റിന്റെ നിര്‍മാതാക്കള്‍.
14 വയസ്സിനു മുകളിലുള്ളവര്‍ക്ക് ഇത് സ്വയം ഉപയോഗിക്കാന്‍ കഴിയും. അര മണിക്കൂറിനുള്ളില്‍ ഫലമറിയാം എന്നതാണ് ഇതിന്റെ സവിശേഷത.
മൂക്കില്‍ നിന്ന് സ്വന്തമായി സ്രവം എടുത്ത് ഇതില്‍ പരിശോധിക്കാം. ഒരു തവണ മാത്രമേ ഉപയോഗിക്കാന്‍ കഴിയു. 14 വയസ്സില്‍ താഴെയുള്ള കുട്ടികളില്‍ പരിശോധക്കണമെങ്കില്‍ സ്രവ സാമ്പിളുകള്‍ ആരോഗ്യപ്രവര്‍ത്തകര്‍ തന്നെ ശേഖരിക്കണം.
