ചെന്നൈ: തമിഴ്നാട് മുഖ്യമന്ത്രിയും ഡിഎംകെ അദ്ധ്യക്ഷനുമായ എം.കെ സ്റ്റാലിനുമായി സിപിഐ നേതാക്കൾ കൂടിക്കാഴ്ച നടത്തി. സിപിഐ കേന്ദ്ര സെക്രട്ടേറിയറ്റ് അംഗവും കേരള സംസ്ഥാന സെക്രട്ടറിയുമായ ബിനോയ് വിശ്വം, റവന്യൂ മന്ത്രി കെ രാജൻ, തമിഴ്നാട് സംസ്ഥാന സെക്രട്ടറി ആർ മുത്തരശ്ശൻ, തമിഴ്നാട്ടിലെ സിപിഐ എംപിമാർ, എംഎൽഎമാർ എന്നിവരടങ്ങുന്ന സംഘമാണ് തമിഴ്നാട് മുഖ്യമന്ത്രി എം സ്റ്റാലിനേയും ഉപമുഖ്യമന്ത്രി ഉദയനിധി സ്റ്റാലിനേയും സന്ദർശിച്ചത്. സെപ്തംബറില്‍ കേരളത്തിൽ നടക്കുന്ന പാർട്ടി സംസ്ഥാന സമ്മേളനത്തിലേക്കും പാർട്ടിയുടെ നൂറാം വാർഷിക ആഘോഷ പരിപാടിയിലേക്കും ഇരുവരേയും സിപിഐ നേതാക്കൾ ക്ഷണിച്ചു. തമിഴ് സാഹിത്യത്തിലെ ഇതിഹാസമായ തിരുവള്ളുവറിൻ്റെ ശില്പം നൽകിയാണ് ഉപമുഖ്യമന്ത്രി സിപിഐ നേതാക്കളെ വരവേറ്റത്. കേന്ദ്ര ഭരണകൂടം നേതൃത്വം നൽകുന്ന ഫാസിസത്തിനും ജനാധിപത്യ വിരുദ്ധതക്കുമെതിരെ യോജിച്ച പോരാട്ടത്തിന്റെ ആവശ്യകത സിപിഐ- ഡിഎംകെ നേതാക്കൾ ചർച്ച ചെയ്തു. യോജിച്ച പോരാട്ടത്തിൽ യോജിക്കാവുന്ന മുഴുവൻ കക്ഷികളേയും കൂട്ടിയോജിപ്പിക്കണമെന്ന കാര്യം ചർച്ചയിൽ ഉയർന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
