ചേര്‍ത്തല: ആലപ്പുഴ ചേര്‍ത്തലയില്‍ വീട്ടമ്മയുടെ മരണം കൊലപാതകമാണെന്ന മകളുടെ മൊഴിയെ തുടര്‍ന്ന് മൃതദേഹം കല്ലറയില്‍ നിന്ന് പുറത്തെടുത്തു. ചേര്‍ത്തല നഗരസഭയില്‍ 29-ാം വാര്‍ഡ് പണ്ടകശാലപറമ്പില്‍ സോണിയുടെ ഭാര്യ സിജി(46)യുടെ മരണത്തിലാണ് മകളുടെ മൊഴി പുറത്തു വന്നത്. ആലപ്പുഴ മെഡിക്കല്‍ കോളേജ് ആശുപത്രിയില്‍ ചികിത്സയില്‍ ഇരിക്കവെയാണ് സിജി മരിച്ചത്. തുടര്‍ന്ന് അന്ന് വൈകുന്നേരത്തോടെ മുട്ടം സെന്റ് മേരീസ് ഫൊറോന പള്ളിയിൽ ശവസംസ്‌കാരം നടത്തി. സിജിയുടെ മരണത്തില്‍ ദുരൂഹതയുണ്ടെന്ന് ആരോപിച്ച് മകള്‍ ചേര്‍ത്തല പോലീസില്‍ നല്‍കിയ പരാതിയുടെ അടിസ്ഥാനത്തില്‍ കേസെടുത്ത് അന്വേഷണം ആരംഭിക്കുകയായിരുന്നു. സിജിയുടെ മരണം കൊലപാതകമാണെന്ന സംശയത്തിന്റെ അടിസ്ഥാനത്തില്‍ ഭര്‍ത്തായ സോണിയെ പോലീസ് കസ്റ്റഡിയില്‍ എടുത്തിരുന്നു. ഒരുമാസം മുമ്പ് വീട്ടില്‍ നിന്നുവീണ് പരിക്കേറ്റതിനെ തുടര്‍ന്ന് സിജി ചികിത്സയിലായിരുന്നുവെന്നാണ് വിവരം. മരണത്തില്‍ ദുരൂഹത ആരോപിച്ചുള്ള മകളുടെ പരാതിയുടെ അടിസ്ഥാനത്തിലാണ് പോസ്റ്റ്‌മോര്‍ട്ടം ചെയ്യുന്നതിനായി മൃതദേഹം കല്ലറയില്‍നിന്ന് പുറത്തെടുത്തത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
