സില്‍വര്‍ലൈന്‍ പദ്ധതിക്കെതിരെ യു.ഡി.എഫ് ധര്‍ണ്ണ 18 ന്

പത്തനംതിട്ട : കേരളത്തിന് പ്രയോജനകരമല്ലാത്തതും ജനങ്ങളെ ദുരിതത്തിലാക്കുന്നതുമായ സില്‍വര്‍ ലൈന്‍ പദ്ധതി ഉപേക്ഷിക്കണമെന്ന് ആവശ്യപ്പെട്ട് യു.ഡി.എഫ് സംസ്ഥാന ഏകോപന സമിതിയുടെ ആഹ്വാനം അനുസരിച്ച് യു.ഡി.എഫ് ജില്ലാ കമ്മിറ്റിയുടെ നേതൃത്വത്തില്‍ ഡിസംബര്‍ 18 ശനിയാഴ്ച രാവിലെ 10 മണിക്ക് ജില്ലാ കളക്ട്രേറ്റിന് മുമ്പില്‍ പ്രതിഷേധ ധര്‍ണ്ണ നടത്തും. ധര്‍ണ്ണ കേരളാ കോണ്‍ഗ്രസ് സംസ്ഥാന ചെയര്‍മാന്‍ പി.ജെ ജോസഫ് എം.എല്‍.എ ഉദ്ഘാടനം ചെയ്യും. യു.ഡി.എഫ് ജില്ലാ ചെയര്‍മാന്‍ വിക്ടര്‍ ടി തോമസ് അദ്ധ്യക്ഷത വഹിക്കും. കെ.പി.സി.സി രാഷ്ട്രീയകാര്യ സമിതി അംഗം പ്രൊഫ.പി.ജെ കുര്യന്‍, ഡി.സി.സി പ്രസിഡന്‍റ് പ്രൊഫ.സതീഷ് കൊച്ചുപറമ്പില്‍, കോണ്‍ഗ്രസ്, ഘടകകക്ഷി നേതാക്കള്‍ എന്നിവര്‍ പ്രസംഗിക്കും.