പത്തനംതിട്ട : നാരങ്ങാനം പഞ്ചായത്തിന്റെ വിവിധ ഭാഗങ്ങളില്‍ അനുഭവപ്പെടുന്ന രൂക്ഷമായ ശുദ്ധജല ക്ഷാമം പരിഹരിക്കണമെന്നും അക്രമികളായ കാട്ടുപന്നികളെ നശിപ്പിക്കുവാന്‍ നാരങ്ങാനം വില്ലേജിനെ ഹോട്ട് സ്പോട്ട് പട്ടികയില്‍ ഉള്‍പ്പെടുത്തുവാന്‍ നടപടി സ്വീകരിക്കണമെന്നും ആവശ്യപ്പെട്ട് മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ നാരങ്ങാനം പഞ്ചായത്ത് ഓഫീസിലേക്ക് പ്രതിഷേധ മാര്‍ച്ചും ധര്‍ണ്ണയും നടത്തി.
മാര്‍ച്ചും ധര്‍ണ്ണയും ഡി.സി.സി ജനറല്‍ സെക്രട്ടറി സാമുവല്‍ കിഴക്കുപുറം ഉദ്ഘാടനം ചെയ്തു. മണ്ഡലം പ്രസിഡന്റ് രമേശ് എം.ആര്‍ അദ്ധ്യക്ഷത വഹിച്ചു. ഡി.സി.സി നിര്‍വാഹക സമിതി അംഗങ്ങളായ വി.പി മനോജ് കുമാര്‍, ശ്രീകാന്ത് കളരിക്കല്‍, കോണ്‍ഗ്രസ് ബ്ലോക്ക് ജനറല്‍ സെക്രട്ടറിമാരായ ഫിലിപ്പ് അഞ്ചാനി, ഡേവിഡ് തോമസ്, പി.കെ ശ്രീധരന്‍ നായര്‍, ഗ്രാമ പഞ്ചായത്ത് അംഗങ്ങളായ ജെസി മാത്യു, മനോജ് മുളന്തറ, റജി തോമസ്, മഹിളാ കോണ്‍ഗ്രസ് ജില്ലാ ജനറല്‍ സേക്രട്ടറി അന്നമ്മ ഫിലിപ്പ്, മുന്‍ മണ്ഡലം പ്രസിഡന്റ് സി.വി സാമുവല്‍, ബിജു മലയില്‍ എന്നിവര്‍ പ്രസംഗിച്ചു.
