തിരുവല്ല : കാവുംഭാഗം ജംക്‌ഷനിൽ ഗതാഗത ക്രമീകരണം വേണമെന്ന ആവശ്യം ശക്തമാകുന്നു. കാവുംഭാഗം – ഇടിഞ്ഞില്ലം റോഡ് ഉന്നത നിലവാരത്തിൽ നിർമിച്ചിങ്കിലും ജംക്‌ഷനിൽ സുരക്ഷാ സംവിധാനം ഇല്ല. ഹംപ് പോലും ഇല്ല. മുത്തൂർ, ഇടിഞ്ഞില്ലം, കിഴക്കുംമുറി എന്നീ റോഡുകളിൽ നിന്നും നിരവധി വാഹനങ്ങളാണ് ദിനംപ്രതി കടന്നുവരുന്നത്. ടോറസ് ലോറികളും കടത്തിവിടുന്നത് ഇതുവഴിയാണ്.
ഉപ റോഡുകളിൽ നിന്നും വരുന്ന വാഹനങ്ങൾ കുരുക്കിൽ പെടാതെ തിരിഞ്ഞു പോകാനുള്ള ക്രമീകരണം ഇവിടെ ഇല്ല. കൂടാതെ കടകളിൽ എത്തുന്നവർ വാഹനം റോഡിൽ നിർത്തിയിടുന്നതും തിരക്കു വർധിക്കുന്നു. ചങ്ങനാശേരിയിൽ നിന്നു കായംകുളം ഭാഗത്തേക്ക് പോകേണ്ടവർ നഗരത്തിലെത്താതെ ഇടിഞ്ഞില്ലം, കാവുംഭാഗം ജംക്‌ഷനുകളിൽ നിന്നു വലത്തോട്ടു തിരിയണം. ഇതോടെ 2 കവലകളിലും ഗതാഗത കുരുക്ക് ഏറും. വിവിധ ദിശകളിൽ നിന്നുള്ള വാഹനങ്ങൾ കൂടിയാകുമ്പോൾ റോഡ് തിരക്കിലാകും.
കാവുംഭാഗത്ത് ഗതാഗതക്കുരുക്ക് ഒഴിവാക്കും വിധം ശാസ്ത്രീയമായ രീതിയിൽ കവല ക്രമീകരിക്കുകയോ ഇടിഞ്ഞില്ലം റോഡ് തിരിയുന്ന ഭാഗത്ത് ട്രാഫിക് ഐലൻഡോ സിഗ്നൽ ലൈറ്റോ സ്ഥാപിക്കുകയോ ചെയ്താൽ മാത്രമേ ഗതാഗത കുരുക്കിന് പരിഹാരമാകൂ. അതോടൊപ്പം മറ്റു റോഡുകളിൽ നിന്നും വരുന്ന വാഹനങ്ങൾ കുരുക്കിൽ പെടാതെ തിരിഞ്ഞു പോകാനുള്ള ക്രമീകരണവും വേണം.
ജേര്‍ണലിസം പഠിച്ചവര്‍ക്ക് ഇന്റേൺഷിപ്പ്
പ്രമുഖ ഓണ്‍ ലൈന്‍ ന്യൂസ് പോര്‍ട്ടല്‍ ആയ പത്തനംതിട്ട മീഡിയയില്‍ ജേര്‍ണലിസം പഠിച്ചവര്‍ക്ക് ഇന്റേൺഷിപ്പ് ചെയ്യുവാന്‍ അവസരം. പത്തനംതിട്ട ഓഫീസില്‍ ആയിരിക്കും ഇന്റേൺഷിപ്പ് നല്‍കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്‍ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില്‍ വെബ്‌ ജേര്‍ണലിസ്റ്റ്, അവതാരകര്‍, റിപ്പോര്‍ട്ടര്‍ തുടങ്ങിയ തസ്തികകളില്‍ ജോലി ലഭിക്കുന്നതിന് മുന്‍ഗണനയുണ്ടായിരിക്കും. താല്‍പ്പര്യമുള്ളവര്‍ ബയോഡാറ്റ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് വിളിക്കാം – 94473 66263, 85471 98263, 0468 2333033.
