ഡൽഹി: മദ്യം നിഷേധിച്ച ജീവനക്കാരനെ അടിച്ചു കൊന്ന് കടയ്ക്ക് തീയിട്ട യുവാക്കള്‍ അറസ്റ്റില്‍. ഹരിയാനയിലെ ഗുരുഗ്രാമിലാണ് സംഭവം. പട്ടൗഡിയിലെ മദ്യക്കടയിലെത്തിയ ഹേംസിങെന്നയാളുടെ നേതൃത്വത്തിലാണ് അക്രമം നടന്നത്. വസിഷ്ട പ്രസാദ് ചന്ദ്രയെന്നാണ് അടിയേറ്റ് മരിച്ചത്.മദ്യക്കടയ്ക്ക് പുറത്ത് വാഹനം നിര്‍ത്തിയിട്ട് സുഹൃത്തുക്കളുമൊത്ത് അതിലിരുന്ന് മദ്യപിക്കുകയായിരുന്നു ഹേംസിങ്. കയ്യിലുണ്ടായിരുന്ന മദ്യം തീര്‍ന്നതും സംഘം ഓടിയെത്തി മദ്യം ആവശ്യപ്പെട്ടു. പുലര്‍ച്ചെ 2.30 ആയെന്നും കട അടച്ചിരിക്കുകയാണെന്നും ചന്ദ്ര മറുപടി നല്‍കിയെങ്കിലും ഹേംസിങും സംഘവും മടങ്ങിയില്ല.
കുപിതരായ സംഘം സമീപം കിടന്ന വൈയ്ക്കോലെടുത്ത് കടയ്ക്ക് മുന്നില്‍ കൂട്ടിയിട്ട് തീ കൊളുത്തി. ചന്ദ്ര ഇത് ചോദ്യം ചെയ്തതോടെ ജീവനക്കാരനെ മര്‍ദ്ദിച്ച് അവശനാക്കുകയായിരുന്നു. മൃതപ്രാണനായെന്ന് കണ്ടതും ചന്ദ്രയെ ഉപേക്ഷിച്ച് സംഘം മടങ്ങിപ്പോയി. പട്രോളിങിനിറങ്ങിയ പോലീസുകാരാണ് മാരകമായി പരുക്കേറ്റ ചന്ദ്രയെ കണ്ടെത്തിയത്. ഉടന്‍ തന്നെ ആശുപത്രിയിലെത്തിച്ചു. ഒരാഴ്ചയോളം ചികില്‍സയിലായിരുന്ന ചന്ദ്ര ഒടുവില്‍ മരണത്തിന് കീഴടങ്ങുകയായിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
