ദുബൈ : ഇത്തവണ യു.എ.ഇയിൽ പുതുവത്സരം ആഘോഷിക്കുന്നവർക്ക് മികച്ച കാലാവസ്ഥയായിരിക്കും പുതുവത്സര രാവിലും പകലിലുമെന്ന് ദേശീയ കാലാവസ്ഥ നിരീക്ഷണ കേന്ദ്രം. ദുബൈയിൽ പകൽ സമയത്ത് 24 ഡിഗ്രിയും രാത്രിയിൽ 20 ഡിഗ്രിയും താപനിലയാണ് പ്രതീക്ഷിക്കുന്നത്. അബൂദബിയിൽ പകൽ 25 ഡിഗ്രി വരെയും രാത്രിയിൽ 19 ഡിഗ്രി വരെയും പ്രതീക്ഷിക്കുന്നു. ചൂടോ കനത്ത തണുപ്പോ ഇല്ലാത്തതിനാൽ വിനോദങ്ങൾക്കായി വിവിധ സ്ഥലങ്ങളിൽ എത്തിച്ചേരുന്നവർക്ക് സുഖകരമായ സാഹചര്യമാണുണ്ടാവുകയെന്നാണ് വിലയിരുത്തപ്പെടുന്നത്. കരിമരുന്ന് പ്രയോഗം അടക്കമുള്ളവ ആസ്വദിക്കാനും തെളിഞ്ഞ കാലാവസ്ഥ സൗകര്യപ്രദമാകും. പുതുവത്സര ദിനമായ ബുധനാഴ്ച രാവിലെ മൂടൽമഞ്ഞിന് സാധ്യതയുണ്ട്. മഴക്കുള്ള സാധ്യത അധികൃതർ പ്രവചിക്കുന്നില്ല. ചൊവ്വാഴ്ച രാത്രിയിൽ രാജ്യത്തിന്‍റെ വിവിധ ഭാഗങ്ങളിൽ കരിമരുന്ന് പ്രയോഗങ്ങളും വിവിധ പരിപാടികളും അരങ്ങേറുന്നുണ്ട്. മഴ മാറിനിൽക്കുന്ന സാഹചര്യത്തിൽ ഇവ വീക്ഷിക്കാൻ കൂടുതൽ പേരെത്തുമെന്നാണ് വിലയിരുത്തപ്പെടുന്നത്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
