റാന്നി : കെ.എസ്‌.ആര്‍.ടി.സി ബസില്‍ നിന്നുമുള്ള ഡീസല്‍ ചോര്‍ച്ച അന്വേഷിക്കാന്‍ ബന്ധപ്പെട്ട ഉദ്യോഗസ്ഥരെത്തി. പുനലൂര്‍ – മൂവാറ്റുപുഴ സംസ്ഥാന പാതയില്‍ തോട്ടമണിലെ വളവില്‍ തുടര്‍ച്ചയായ ദിവസങ്ങളില്‍ ഡീസല്‍ വീണത്‌ ശ്രദ്ധയില്‍പ്പെട്ടതിനെ തുടര്ന്ന് പഞ്ചായത്ത്‌ പ്രസിഡന്റ്‌ നടത്തിയ അന്വേഷണത്തില്‍ നിന്നാണ്‌ കെ.എസ്‌.ആര്‍.ടി.സി ബസില്‍ നിന്നാണ്‌ ചോര്‍ച്ചയെന്ന്‌ വ്യക്തമായത്‌. ഇവിടെ വീഴുന്ന ഡീസലില്‍ തെന്നി നിരന്തരമായി ഇരുചക്രവാഹനങ്ങള്‍ അപകടത്തില്‍പ്പെട്ടിരുന്നു. ഈ വിവരം പഞ്ചായത്ത്‌ പ്രസിഡന്റ്‌ ബന്ധപ്പെട്ട അധികാരികളെ അറിയിച്ചെങ്കിലും നടപടി ഉണ്ടായില്ല.
ജനങ്ങളുടെ പ്രതിഷേധം ശക്തമായതിനെ തുടര്ന്ന് പഞ്ചായത്ത്‌ അധികൃതര്‍ വകുപ്പ്‌ മന്ത്രിക്ക്‌ പരാതി നല്‍കി. ഇതിന്‍റെ അടിസ്‌ഥാനത്തില്‍ സംഭവം അന്വേഷിക്കാന്‍ നിയോഗിച്ച ഉദ്യോഗസ്ഥരാണ്‌ കഴിഞ്ഞ ദിവസം സ്ഥലം സന്ദര്‍ശിച്ചത്‌. ഇനി ഇത്തരം കാര്യങ്ങള്‍ ആവര്‍ത്തിക്കാതിരിക്കാന്‍ ബന്ധപ്പെട്ടവര്‍ക്ക്‌ നിര്‍ദേശം നല്‍കുമെന്ന്‌ ഉറപ്പുനല്‍കിയാണ്‌ ഉദ്യോഗസ്ഥര്‍ മടങ്ങിയത്‌. ഇനിയും സംഭവിച്ചാല്‍ വിവരം ധരിപ്പിക്കാനുള്ള ഫോണ്‍ നമ്പറും പഞ്ചായത്തിന്‌ നല്‍കിയാണ്‌ ഉദ്യോഗസ്ഥര്‍ മടങ്ങിയതെന്ന് പഞ്ചായത്ത്‌ പ്രസിഡന്റ്‌ പ്രകാശ്‌ കുഴിക്കാല പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
