പത്തനംതിട്ട : ഇളമണ്ണൂർ കിൻഫ്ര പാർക്കിൽ ബയോ മെഡിക്കൽ മാലിന്യ സംസ്കരണ പ്ലാന്റ് സ്ഥാപിക്കുന്നതിൽ നിന്നും സർക്കാർ പിന്മാറണമെന്ന് മുസ്ലീം ലീഗ് ജില്ലാ പ്രസിഡന്റ് സമദ് മേപ്രത്ത്, ജന.സെക്രട്ടറി അഡ്വ.പി.എ. ഹൻസലാഹ് മുഹമ്മദ് എന്നിവർ സംയുക്ത പ്രസ്താവനയിൽ ആവശ്യപ്പെട്ടു. നിരവധി ഭക്ഷ്യസംസ്കരണ യൂണിറ്റുകൾ പ്രവർത്തിക്കുന്ന കിൻഫ്രാ പാർക്കിന് ചുറ്റുപാടുള്ള സ്ഥലങ്ങൾ ജനസാന്ദ്രതയേറിയ പ്രദേശങ്ങളായതിനാൽ ആരോഗ്യരംഗത്ത് കടുത്ത പ്രതിസന്ധിയുണ്ടാകാൻ സാധ്യതയുണ്ട്. പ്രദേശത്ത് നിലവിൽ പ്രവർത്തിക്കുന്ന പല ഭക്ഷ്യസംസ്ക്കരണ യൂണിറ്റുകളും അടച്ചു പൂട്ടേണ്ടിവരുമെന്നും സംരഭകർ കടുത്ത സാമ്പത്തിക പ്രതിസന്ധിയിലാകുമെന്നും ലീഗ് നേതാക്കൾ പറഞ്ഞു. ഇത് സംബന്ധിച്ച് നിവേദനം അധികൃതർക്ക് കൈമാറി. നിർദിഷ്ട പ്ലാന്റ് ജനവാസം കുറഞ്ഞ മേഖലയിൽ സ്ഥാപിക്കുന്നതിനുള്ള നടപടികൾ സർക്കാർ കൈക്കൊള്ളണമെന്ന് ലീഗ് നേതാക്കൾ ആവശ്യപ്പെട്ടു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
