തിരുവനന്തപുരം : കാട്ടാക്കടയില്‍ ലഹരിവിരുദ്ധ പ്രവര്‍ത്തനം നടത്തിയതിന്‍റെ പേരില്‍ ഡോക്ടറെ ലഹരിസംഘം ആക്രമിച്ചതായി പരാതി. സ്വകാര്യ ആയുര്‍വേദ ആശുപത്രിയിലെ ഡോക്ടറായ ഹമിയാണ് ആക്രമിക്കപ്പെട്ടത്. ആക്രമണം നടന്ന് ഒരാഴ്ചയായിട്ടും പ്രതികളെ ആരെയും പിടികൂടിയിട്ടില്ല. കാട്ടാക്കട പ്രദേശത്ത് ലഹരിമുക്ത ക്ളാസുകള്‍ എടുക്കുകയും ലഹരിവിരുദ്ധ പ്രവര്‍ത്തനത്തിന് നേതൃത്വം നല്‍കുകയും ചെയ്യുന്നയാളാണ് ആയുര്‍വേദ ഡോക്ടറായ ഹമി.
കഴിഞ്ഞ വെള്ളിയാഴ്ച വൈകിട്ട് ജോലി കഴിഞ്ഞ് വീട്ടിലേക്ക് മടങ്ങും വഴിയാണ് ഹമിയെ ഒരു സംഘം ആളുകള്‍ ആക്രമിക്കുന്നത്. ആര്യന്‍കോട് പോലീസ് നടത്തിയ അന്വേഷണത്തില്‍ ലഹരിക്കേസുകളില്‍ പ്രതികളും ചെമ്പൂര്‍ സ്വദേശികളുമായ അജിന്‍, ദീപു എന്നിവരാണ് മര്‍ദിച്ചതെന്ന് കണ്ടെത്തി. പക്ഷേ പ്രതികളെ പിടിച്ചിട്ടില്ല. ഇതോടെ ഹമിയും കുടുംബവും വീണ്ടും ആക്രമണത്തെ ഭയപ്പെടുകയാണ്. ലഹരി മുക്ത പ്രവര്‍ത്തനത്തിലുള്ള വൈരാഗ്യമാണ് ആക്രമണകാരണമെന്നും ഇവര്‍ വിശ്വസിക്കുന്നു.
ജേര്‍ണലിസം പഠിച്ചവര്‍ക്ക് ഇന്റേൺഷിപ്പ്
പ്രമുഖ ഓണ്‍ ലൈന്‍ ന്യൂസ് പോര്‍ട്ടല്‍ ആയ പത്തനംതിട്ട മീഡിയയില്‍ ജേര്‍ണലിസം പഠിച്ചവര്‍ക്ക് ഇന്റേൺഷിപ്പ് ചെയ്യുവാന്‍ അവസരം. പത്തനംതിട്ട ഓഫീസില്‍ ആയിരിക്കും ഇന്റേൺഷിപ്പ് നല്‍കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്‍ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില്‍ വെബ്‌ ജേര്‍ണലിസ്റ്റ്, അവതാരകര്‍, റിപ്പോര്‍ട്ടര്‍ തുടങ്ങിയ തസ്തികകളില്‍ ജോലി ലഭിക്കുന്നതിന് മുന്‍ഗണനയുണ്ടായിരിക്കും. താല്‍പ്പര്യമുള്ളവര്‍ ബയോഡാറ്റ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് വിളിക്കാം – 94473 66263, 85471 98263, 0468 2333033.
