പത്തനംതിട്ട : ജനറല്‍ ആശുപത്രിയിലേക്കുള്ള പ്രധാന പ്രവേശന പാതയായ ഡോക്‌ടേഴ്‌സ് ലെയിന്‍ റോഡ്‌ ഇടിഞ്ഞുതാണു. ആശുപത്രിയിലേക്കുള്ള ആംബുലന്‍സുകള്‍ അടക്കം നിരവധി വാഹനങ്ങളാണ്‌ ഇതു വഴി കടന്നു പോകുന്നത്‌. ആശുപത്രിയില്‍ പുതിയ കെട്ടിടം നിര്‍മിക്കുന്നതിനാല്‍ മറ്റ്‌ വഴികള്‍ അടച്ച്‌ വാഹനങ്ങള്‍ക്ക്‌ പ്രവേശനം നല്‍കിയിരിക്കുന്നത്‌ ഡോക്‌ടേഴ്‌സ് ലെയിന്‍ വഴിയാണ്‌. പത്തനംതിട്ട ജനറല്‍ ആശുപത്രി പൊളിച്ചു പണിയുന്നതിനാല്‍ ഇപ്പോള്‍ ആശുപത്രിയുടെ മുഖ്യകവാടം ഡോക്‌ടേഴ്‌സ് ലെയിന്‍ റോഡിലേക്കാണ്‌. അതിനാല്‍ തന്നെ ആശുപത്രിയില്‍ പോകുന്നവരുടേയും ഡോക്‌ടര്‍മാരുടേയും ജീവനക്കാരുടേയും വാഹനങ്ങള്‍ ഈ റോഡു വഴിയാണ്‌ പോകുന്നത്‌. നിരവധി തവണ പുതുക്കിപ്പണിത റോഡാണിത്‌. എങ്കിലും വേണ്ടത്ര ബലമില്ലാത്തതിനാല്‍ റോഡ്‌ ഇടിഞ്ഞു താഴുന്നു. വാഹനങ്ങളുടെ എണ്ണം വര്‍ധിച്ചതാണ്‌ റോഡ്‌ തകര്‍ച്ചയ്‌ക്ക് കാരണമായി ചൂണ്ടിക്കാണിക്കപ്പെടുന്നത്‌. റോഡ്‌ തകര്‍ന്നിട്ട്‌ മാസങ്ങളായിട്ടും അധികൃതര്‍ക്ക്‌ അനക്കമില്ല. റോഡ്‌ നന്നാക്കണമെന്നാണ്‌ നാട്ടുകാരുടെ ആവശ്യം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
