ദോഹ :ഇന്ന് ഉച്ചയ്ക്ക് 12.35 പുറപ്പെടേണ്ടിയിരുന്ന ദോഹ-കോഴിക്കോട് വിമാനം അനിശ്ചിതമായി വൈകുന്നതിനെ തുടർന്ന് യാത്രക്കാർ ബുദ്ധിമുട്ടിലായി. ദോഹയിൽ നിന്നും കോഴിക്കോട്ടേക്കുള്ള IX 376 വിമാനമാണ് വൈകുന്നത്. പെരുന്നാൾ അവധി കൂടി കണക്കിലെടുത്ത് കുറഞ്ഞ ദിവസത്തേക്ക് നാട്ടിലേക്ക് പോകുന്ന പ്രവാസികളാണ് ഇതോടെ ദുരിതത്തിലായത്. ഏതാനും മണിക്കൂറുകൾ വൈകുമെന്നാണ് ആദ്യം അറിയിപ്പ് ലഭിച്ചതെന്നും ഇതേതുടർന്ന് വിമാനത്താവളത്തിൽ തന്നെ കാത്തിരിക്കാമെന്നും കരുതിയ നിരവധി യാത്രക്കാർ മണിക്കൂറുകൾക്ക് ശേഷമാണ് താമസ സ്ഥലത്തേക്ക് മടങ്ങിയത്. പെരുന്നാൾ അവധിയായതിനാൽ നേരത്തെ വിമാനത്താവളത്തിൽ എത്തണമെന്ന നിർദേശത്തെ തുടർന്ന് രാവിലെ തന്നെ വിമാനത്താവളത്തിൽ എത്തിയ യാത്രക്കാരുണ്ട്. എന്നാൽ രാത്രി 11.23 ന് മാത്രമേ വിമാനം പുറപ്പെടുകയുള്ളൂ എന്നാണ് യാത്രക്കാർ അവസാനമായി ലഭിച്ച അറിയിപ്പ്. കഴിഞ്ഞ ഏതാനും ദിവസങ്ങളായി നാട്ടിലേക്കുള്ള എയർ ഇന്ത്യ എക്സ്പ്രസ്സ് ഒന്നോ രണ്ടോ മണിക്കൂർ വൈകുന്നത് പതിവാണ്.
സംസ്ഥാന സർക്കാരിന്റെ ഇൻഫർമേഷൻ & പബ്ലിക് റിലേഷൻസ് ഡിപ്പാർട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓൺ ലൈൻ ചാനലുകളിൽ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉൾപ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓൺലൈൻ ചാനലുമാണ് പത്തനംതിട്ട മീഡിയ. കേന്ദ്ര ഇൻഫർമേഷൻ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവർത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകൾ പോലെ സംസ്ഥാന വാർത്തകളോടൊപ്പം ദേശീയ, അന്തർദേശീയ വാർത്തകളും പ്രസിദ്ധീകരിക്കുന്ന ഓൺലൈൻ ന്യൂസ് പോർട്ടലാണ് പത്തനംതിട്ട മീഡിയ. വ്യാജ വാർത്തകളോ കെട്ടിച്ചമച്ച വാർത്തകളോ പത്തനംതിട്ട മീഡിയയിൽ ഉണ്ടാകില്ല. വായനക്കാരുടെ അഭിപ്രായങ്ങൾക്കും നിദ്ദേശങ്ങൾക്കും മുന്തിയ പരിഗണന നൽകിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറിൽ ലഭ്യമാണ്, തികച്ചും സൌജന്യമായി ഇത് ഡൌൺ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
