പത്തനംതിട്ട : സാമൂഹിക പ്രവർത്തക ഡോ. എം .എസ്. സുനിൽ ഭവനരഹിതരായ നിരാലംബർക്ക് പണിത് നൽകുന്ന 276 മത് സ്നേഹഭവനം വാഴത്തോപ്പ് മണിയാറൻകുടി അളപുരയ്ക്കൽ ജൂലിയയ്ക്കും മൂന്നു കുട്ടികൾക്കുമായി വേൾഡ് മലയാളി കൗൺസിൽ ചിക്കാഗോ പ്രോവിൻസിന്റെ സഹായത്താൽ നിർമ്മിച്ചു നൽകി. വീടിന്റെ താക്കോൽദാനവും ഉദ്ഘാടനവും വേൾഡ് മലയാളി കൗൺസിൽ ചിക്കാഗോ പ്രൊവിൻസ് വൈസ് ചെയർപേഴ്സൺ ബീന മാത്യു നിർവഹിച്ചു.
വർഷങ്ങളായി സ്വന്തമായ വീടും സ്ഥലവുമില്ലാതെ സുരക്ഷിതമല്ലാത്ത അവസ്ഥയിലായിരുന്നു ജൂലിയ താമസിച്ചിരുന്നത്. ഭർത്താവിന്റെ തുച്ഛമായ വരുമാനത്തിൽ വീട്ടുചിലവുകൾക്ക് പോലും ബുദ്ധിമുട്ടിയിരുന്ന കുടുംബം സ്വന്തമായ ഒരു ഭവനം പണിയുവാൻ പറ്റാത്ത സ്ഥിതിയിലായിരുന്നു. ഇവരുടെ ദയനീയ അവസ്ഥ മനസ്സിലാക്കിയ ഡോ. എം .എസ്. സുനിൽ ഇവർക്കായി ചെറുതോണി പ്രസ് ക്ലബ്ബ് വാങ്ങി നൽകിയ സ്ഥലത്ത് രണ്ട് മുറികളും അടുക്കളയും ഹാളും ശുചി മുറിയും സിറ്റൗട്ടും അടങ്ങിയ വീട് പണിത് നൽകുകയായിരുന്നു. ചടങ്ങിൽ പ്രോജക്ട് കോഡിനേറ്റർ കെ. പി ജയലാൽ, ചെറുതോണി പ്രസ് ക്ലബ് പ്രസിഡൻറ് സജി തടത്തിൽ. പി .കെ. ജയൻ, അനിൽ ആനക്കനാട്ട്. ഔസേപ്പച്ചൻ ഇടക്കുളത്തിൽ . ജാക്ക്സ് ജോൺ. കെ.എസ്.മധു, സജി ഇഞ്ചത്തടത്തിൽ., സജു തോമസ്, സജി .എം. കൃഷ്ണൻ എന്നിവർ പ്രസംഗിച്ചു.
ദിവസേന നൂറിലധികം വാര്‍ത്തകള്‍ പ്രസിദ്ധീകരിക്കുന്ന പത്തനംതിട്ട മീഡിയ (www.pathanamthittamedia.com) ഇന്ന് കേരളത്തിലെ മുന്‍ നിര മാധ്യമങ്ങള്‍ക്കൊപ്പമാണ്. പത്തനംതിട്ട ജില്ലയിലെ പ്രാദേശിക വാര്‍ത്തകള്‍ക്ക് കൂടുതല്‍ പരിഗണന നല്‍കുന്നതോടൊപ്പം കേരളത്തിലെ വാര്‍ത്തകളും ദേശീയ – അന്തര്‍ദേശീയ വാര്‍ത്തകളും അപ്പപ്പോള്‍ ജനങ്ങളിലേക്ക് എത്തിക്കുന്നുണ്ട്. വാര്‍ത്തകള്‍ വായിക്കുവാന്‍ ഒരാള്‍ നിരവധി തവണ പത്തനംതിട്ട മീഡിയയില്‍ കയറാറുണ്ട്. ഇങ്ങനെ കയറുന്ന ഓരോ പ്രാവശ്യവും നിങ്ങളുടെ പരസ്യം കാണും, ഇതിലൂടെ നിങ്ങളുടെ ബിസിനസ് / സ്ഥാപനം ബ്രാന്‍ഡ് ചെയ്യപ്പെടുകയാണ്. ലോകമെങ്ങും എത്തട്ടെ ..നിങ്ങളുടെ പരസ്യം.
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 70255 53033 / 0468 295 3033 /233 3033 mail – [email protected]
