പത്തനംതിട്ട : സാമൂഹിക പ്രവർത്തക ഡോ.എം. എസ്. സുനിൽ സുരക്ഷിതമല്ലാത്ത കുടിലുകളിൽ കഴിയുന്ന നിരാലമ്പർക്ക് പണിത് നൽകുന്ന 287- മതു സ്നേഹഭവനം തിരുവില്ലാമല ചീരക്കുഴി പൊരുതിക്കോട് ഭഗവത്തും പറമ്പ് വീട്ടിൽ സനിത സുഭാഷിനും രണ്ട് കുട്ടികൾക്കും ആയി ശിക്കാഗോ മലയാളി അസോസിയേഷൻ അംഗമായ ഡോ. സിബിൽ ഫിലിപ്പിന്റെയും ഡോ.ബിനു ഫിലിപ്പിന്റെയും സഹായത്താൽ നിർമ്മിച്ചു നൽകി.
വീടിൻറെ താക്കോൽദാനവും ഉദ്ഘാടനവും സംവിധായകനും ഓസ്കാർ അവാർഡ് ജേതാവുമായ വിജീഷ് മണി നിര്‍വ്വഹിച്ചു. വർഷങ്ങളായി സ്വന്തമായി വീട് പൂർത്തീകരിക്കാൻ പറ്റാത്ത അവസ്ഥയിൽ കഴിഞ്ഞിരുന്ന സനിതയും സുഭാഷും കുട്ടികളുടെ പഠനത്തിനും മറ്റു ദൈനംദിന ആവശ്യങ്ങൾക്ക് വേണ്ടി ബുദ്ധിമുട്ടിയിരുന്ന സാഹചര്യത്തിൽ വീട് പണിയുവാൻ പറ്റാത്ത അവസ്ഥയിലായിരുന്നു.
ഇവരുടെ ദയനീയ അവസ്ഥ ബ്ലോക്ക് ഓഫീസറായ അമ്പിരാജ് ടീച്ചറിന്റെ ശ്രദ്ധയിൽപ്പെടുത്തുകയും ഇവർക്കായി രണ്ട് മുറികളും അടുക്കളയും ഹാളും ശുചിമുറിയും സിറ്റൗട്ടും അടങ്ങിയ വീട് പൂർത്തീകരിച്ച് നൽകുകയും ആയിരുന്നു. ശിക്കാഗോ മലയാളി അസോസിയേഷന്റെ സഹായത്താൽ പണിയുന്ന പതിനാലാമത്തെ വീടാണിത്. ചടങ്ങിൽ പ്രോജക്ട് കോഡിനേറ്റർ കെ. പി. ജയലാൽ, വാർഡ് മെമ്പർ ആർ. ഉണ്ണികൃഷ്ണൻ, സുധി പഴയിടം എന്നിവർ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
