അടിമാലി: വീട്ടിലേക്ക് കുടിവെള്ളം എടുക്കുന്നതുമായി ബന്ധപ്പെട്ട തർക്കത്തെ തുടർന്ന് മൂന്ന്പേർ ചേർന്ന് വീട്ടമ്മയെ കമ്പിവടിക്ക് അടിച്ച് പരിക്കേൽപിച്ചതായി പരാതി. സൂര്യനെല്ലി സ്വദേശി രാജാത്തിയെയാണ് (45) സമീപവാസികളായ മൂന്നുപേർ ചേർന്ന് 27ന് രാത്രി 11ന് കമ്പിയും പലകയുംകൊണ്ട് തലയുടെ വലതുഭാഗത്ത് അടിച്ച് പരിക്കേൽപിച്ചത്. ചിന്നക്കനാൽ സ്വദേശികളായ തങ്കമയിൽ(50), സുന്ദരപാണ്ടി(55), രാജൻ (60) എന്നിവർക്കെതിരെ ശാന്തൻപാറ പോലീസ് കേസെടുത്തു. എസ്‌സി വിഭാഗത്തിൽപ്പെട്ട തങ്ങൾക്ക് കുടിവെള്ളം നൽകാതിരിക്കാൻ ഉയർന്ന വിഭാഗത്തിൽപെട്ട പ്രതികൾ മുമ്പും ശ്രമിച്ചിട്ടുണ്ടെന്നും, ഇതേതുടർന്ന് പോലീസിൽ പരാതി നൽകിയിട്ടുണ്ടെന്നും രാജാത്തിയുടെ കുടുംബം പറഞ്ഞു. പരിക്കേറ്റ രാജാത്തിയെ ആദ്യം മൂന്നാർ ജനറൽ ആശുപത്രിയിലും പിന്നീട് തേനി മെഡിക്കൽ കോളജിലും പ്രവേശിപ്പിച്ചു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
