പള്ളിക്കല്‍ : ഇളംപള്ളിൽ മലമുൻപ് ഏലായിൽ നെൽക്കൃഷി ചെയ്യുന്ന കർഷകർക്ക് ദുരിതങ്ങൾ മാത്രം. വെള്ളത്തിന്റെ പ്രശ്നം കാരണം കൃഷിയിറക്കാൻ കഴിയാത്ത സ്ഥിതി ഉണ്ടായതോടെ മലമുൻപ് ഏലായിലെ കൃഷി ഉപേക്ഷിച്ച് കൊണ്ടിരിക്കുകയാണ് കർഷകർ. വെള്ളമെത്തിക്കാൻ സംവിധാനമില്ലാത്തതിനാൽ നെൽപാടങ്ങൾ വറ്റി വരണ്ട് നെൽക്കൃഷി കരിഞ്ഞുണങ്ങുന്ന സ്ഥിതിയിലാണ്. വെള്ളമെത്തിക്കാൻ സംവിധാനമൊരുക്കിയിരുന്ന തടയണകൾ പ്രവർത്തനരഹിതമായതും തോടുകൾ നികന്നതുമാണ് വെള്ളം കിട്ടാത്ത സ്ഥിതിക്ക് കാരണം. സമീപത്തുള്ള നെൽപാടങ്ങൾ അനധികൃതമായി നികത്തിയതും പ്രശ്നമായി.
ഉണക്ക് സമയത്ത് ഏലായിലേക്ക് വെള്ളമെത്തിക്കാനും മഴയത്ത് ഏലായിലേക്ക് കയറുന്ന വെള്ളം ഒഴുക്കി വിടുന്നതിനും നിലവിൽ സംവിധാനമില്ലാത്തതാണ് ഈ അവസ്ഥയ്ക്ക് കാരണം. ഈ ദുരിതങ്ങൾക്ക് പരിഹാരം കാണണമെന്നാവശ്യപ്പെട്ട് പരാതി നൽകിയിട്ടും പഞ്ചായത്ത് അധികൃതരും കൃഷിവകുപ്പ് ഉദ്യോഗസ്ഥരും വേണ്ട നടപടി സ്വീകരിക്കുന്നില്ലെന്ന് മലമുൻപ് പാടശേഖര സമിതി പ്രസിഡന്റ് ശ്രീരാമചന്ദ്രനും സെക്രട്ടറി സന്തോഷ് കിഴക്കേബംഗ്ലാവും പറഞ്ഞു. നെൽക്കൃഷി ചെയ്യാൻ കർഷകരെ തേടി നെട്ടോട്ടമോടുന്ന കൃഷിവകുപ്പ് അധികൃതർ നെൽക്കൃഷിയിറക്കിയ കർഷകരുടെ ദുരിതങ്ങൾക്ക് പരിഹാരം കാണാൻ ശ്രമിക്കുന്നേയില്ലെന്ന പരാതി ഉയർന്നിരിക്കുകയാണ്. ഈ ഏലായിലേക്ക് കൈത്തോട് ഒരുക്കി ഉണക്ക് സമയത്ത് വെള്ളമെത്തിക്കാനും മഴ സമയത്ത് ഏലായിൽ കയറുന്ന വെള്ളം ഒഴുക്കി വിടാനും സംവിധാനം ഒരുക്കിയാല്‍ ഈ പ്രശ്നം പരിഹരിക്കാനാകും. ഇതിനായുള്ള ശ്രമങ്ങൾ ഉടൻ ഉണ്ടാകണമെന്നാണ് കർഷകരുടെ ആവശ്യം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
