തിരുവനന്തപുരം : രാജ്യത്തെ മികച്ച ബദല്‍ മാതൃകയാണ് പിണറായി സര്‍ക്കാരെന്ന് എല്‍ഡിഎഫ് കണ്‍വീനര്‍ ഇ.പി ജയരാജന്‍. എഎപി – ട്വന്റി ട്വന്റി സഖ്യത്തെ കാര്യമാക്കുന്നില്ലെന്നും അദ്ദേഹം വ്യക്തമാക്കി. ഒരു മാദ്ധ്യമത്തിന് നല്‍കിയ അഭിമുഖത്തില്‍ സംസാരിക്കുകയായിരുന്നു ഇ.പി ജയരാജന്‍. അതേസമയം, ആം ആദ് മി – ട്വന്റി ട്വന്റി സഖ്യം കോണ്‍ഗ്രസിന് ഭീഷണിയല്ലെന്ന് കെപിസിസി പ്രസിഡന്റ് കെ.സുധാകരന്‍ പ്രതികരിച്ചു. പുതിയ കാലത്ത് പുതിയ മുന്നണികള്‍ വരുന്നത് സ്വാഭാവികമാണെന്നും തൃക്കാക്കരയിലെ സഖ്യത്തിന്റെ നിലപാടില്‍ കോണ്‍ഗ്രസിന് പ്രതീക്ഷയുണ്ടെന്നും അദ്ദേഹം പറഞ്ഞു.
ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി ദേശീയ കണ്‍വീനറുമായ അരവിന്ദ് കേജ്‌രിവാള്‍ ഇന്നലെയാണ് കേരള രാഷ്‌ട്രീയത്തില്‍ നാലാം മുന്നണി പ്രഖ്യാപിച്ചത്. ആം ആദ്മി പാര്‍ട്ടിയും ട്വന്റി ട്വന്റിയും ചേര്‍ന്ന ജനക്ഷേമ സഖ്യം (പീപ്പിള്‍സ് വെല്‍ഫെയര്‍ അലയന്‍സ്) ലക്ഷ്യമിടുന്നത് കേരള ഭരണമാണെന്നും അദ്ദേഹം വ്യക്തമാക്കിയിരുന്നു.
