കുന്നിട : ഏഴംകുളം കല്ലേത്ത്-കുന്നിട റോഡ് തകർന്നു. ഏഴംകുളം പഞ്ചായത്ത് ഏഴാം വാർഡിൽ ഉൾപ്പെടുന്ന ഭാഗത്തെ റോഡാണ് തകർന്നത്. അമിതഭാരം കയറ്റിയ ടിപ്പർ ലോറികൾ വ്യാപകമായി ഓടിയതിനാലാണ് തകർന്നതെന്നാണ് നാട്ടുകാർ ആരോപിക്കുന്നത്. ഏനാദിമംഗലം പന്ത്രണ്ടാം വാർഡിൽ പ്രവർത്തിക്കുന്ന പാറമടയിൽനിന്നു ലോഡുമായി ലോറികൾ ഈ റോഡ് വഴിയാണ് പോകുന്നതെന്ന് നാട്ടുകാർ പറയുന്നു. ഒരു മാസം മുൻപ് നാട്ടുകാരുടെ പരാതിയെ തുടർന്ന് പഞ്ചായത്തംഗം സുരേഷ് ബാബു പഞ്ചായത്ത് സെക്രട്ടറിക്ക് പരാതി നൽകിയിരുന്നു. തുടർന്ന് പഞ്ചായത്തിൽനിന്നു ക്വാറിയുടമയ്ക്ക് നോട്ടീസ് നൽകിയിരുന്നുവെന്ന് പഞ്ചായത്തംഗം പറയുന്നു. അടുത്തദിവസം തന്നെ റോഡിൽ ക്വാറിവേസ്റ്റ് കൊണ്ടിട്ട് കുഴികൾ അടച്ചു. പക്ഷേ ദിവസങ്ങൾക്കകം റോഡ് പഴയതിലും കൂടുതൽ നാശമായി. കുഴിയടയ്ക്കാൻ ഇട്ടതിന്റെ ബാക്കി പാറച്ചീളുകൾ റോഡിൽ തന്നെയാണ്. വലിയ കുഴികൾ കാരണം കാൽനടയാത്രപോലും ബുദ്ധിമുട്ടാണ്. സമീപത്തുള്ള ആശുപത്രി, കോളേജ്, സ്കൂൾ എന്നിവിടങ്ങളിലേക്ക് പോകാൻ നാട്ടുകാരും വിദ്യാർഥികളും ആശ്രയിച്ചിരുന്ന വഴിയാണിത്. 2021-ലാണ് റോഡ് ടാർചെയ്തത്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
