തിരുവല്ല : കഞ്ചാവുണ്ടെന്ന സംശയത്തെ തുടര്‍ന്ന് വീട്ടില്‍ പരിശോധനയ്ക്ക് ചെന്ന എക്‌സൈസ് ഉദ്യോഗസ്ഥരെ കഞ്ചാവ് കടത്ത് അടക്കം നിരവധി ക്രിമിനല്‍ കേസുകളില്‍ പ്രതിയായ യുവാവ് വെട്ടി. പെരുന്തുരുത്തി നെടുമ്പറമ്പില്‍ ഷിബു തോമസ്(33) ആണ് വെട്ടിയത്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ബിജു വര്‍ഗീസ്, അസിസ്റ്റന്റ് എക്‌സൈസ് ഇന്‍സ്‌പെക്്ടര്‍ കെ.എം. ഷിഹാബുദ്ദീന്‍ എന്നിവര്‍ക്കാണ് വെട്ടേറ്റത്. സംഭവത്തിനിടെ സ്ഥലത്തെത്തിയ ഷിബുവിന്റെ സുഹൃത്ത് വടക്കേല്‍ വീട്ടില്‍ സച്ചിനും(28) വെട്ടേറ്റിട്ടുണ്ട്. ബിജു വര്‍ഗീസിന്റെ ഇടതുകൈയുടെ മുട്ടിലാണ് വെട്ടുകൊണ്ടത്. വ്യാഴാഴ്ച പകല്‍ പത്തരയോടെയാണ് സംഭവം. കുറ്റപ്പുഴ പുന്നക്കുന്ന് നരിമണ്ണില്‍ ശ്രീജു (40)വിനെ 40 ഗ്രാം കഞ്ചാവുമായി എക്‌സൈസ് പിടിച്ചിരുന്നു. ഇയാളെ ചോദ്യം ചെയ്തപ്പോള്‍ ഷിബുവില്‍ നിന്നാണ് കഞ്ചാവ് കിട്ടിയതെന്നറിഞ്ഞു. തുടര്‍ന്നാണ് ബിജു വര്‍ഗീസിന്റെ നേതൃത്വത്തിലുളള സംഘം ഷിബുവിന്റെ വീട്ടിലെത്തിയത്.
സംഘത്തെ കണ്ടയുടന്‍ വീട്ടിലെ അലമാരയില്‍ നിന്ന് വടിവാള്‍ എടുത്ത് തലങ്ങും വിലങ്ങും വീശുകയായിരുന്നു. ഇതിനിടെയാണ് സച്ചില്‍ കടന്നു വരുന്നത്. സച്ചിന്റെ കാലിനാണ് വെട്ടേറ്റത്. വെട്ടു കൊണ്ടെങ്കിലും എക്‌സൈസ് സംഘം ഷിബുവിനെ കീഴ്‌പ്പെടുത്തി. തുടര്‍ന്ന് പോലീസ് എത്തി അറസ്റ്റ് ചെയ്തു. ആറുവര്‍ഷം മുമ്പ് ബിജു വര്‍ഗീസ് ചങ്ങനാശ്ശേരിയില്‍ ജോലി ചെയ്തിരുന്നപ്പോള്‍ കഞ്ചാവ് കടത്തുകേസില്‍ ഷിബുവിനെ പിടികൂടിയിരുന്നു. അന്നും ഇയാള്‍ ആക്രമണം നടത്തിയിരുന്നു. തിരുവല്ല പോലീസ് സ്‌റ്റേഷനില്‍ മൂന്ന് ക്രിമിനല്‍ കേസില്‍ പ്രതിയാണ് ഇയാള്‍. പരിക്കേറ്റ ഉദ്യോഗസ്ഥര്‍ സ്വകാര്യ മെഡിക്കല്‍ കോളേജില്‍ ചികിത്സയിലാണ്.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
