അടിമാലി: ഒരു മാസം മുമ്പ് വരെ 300 രൂപ ലഭിച്ചിരുന്ന വെളുത്തുള്ളിയുടെ വില ഇടിഞ്ഞു. വിളവെടുപ്പിന്‍റെ ആരംഭഘട്ടത്തില്‍ ലഭിച്ച ഉയര്‍ന്ന വില വെളുത്തുള്ളി കര്‍ഷകര്‍ക്ക് വലിയ പ്രതീക്ഷ നല്‍കിയിരുന്നു. എന്നാല്‍, പ്രതീക്ഷകള്‍ തെറ്റിച്ചാണിപ്പോള്‍ വെളുത്തുള്ളിയുടെ വില കുത്തനെ കൂപ്പുകുത്തിയിരിക്കുന്നത്. ജനുവരി അവസാനമാണ് വെളുത്തുള്ളി വിളവെടുപ്പ് തുടങ്ങിയത്. 150 മുതല്‍ 300 രൂപ വരെയാണ് അന്ന് ഒരു കിലോക്ക് ലഭിച്ചിരുന്നത്. എന്നാല്‍, ഒരു കിലോഗ്രാം പച്ച വെളുത്തുള്ളിക്ക് 50 രൂപയും ഉണങ്ങിയതിന് 100 രൂപയുമാണ് നിലവില്‍ കര്‍ഷകര്‍ക്ക് ലഭിക്കുന്ന വില. ഇതോടെ ലക്ഷങ്ങള്‍ ചെലവഴിച്ച് നടത്തിയ കൃഷി നഷ്ടത്തിലായി.
കഴിഞ്ഞ വര്‍ഷം ഉണങ്ങിയ വെളുത്തുള്ളി കിലോയ്ക്ക് 600 രൂപ വരെ ലഭിച്ചിരുന്നു. മുന്‍വര്‍ഷങ്ങളില്‍ മികച്ച വില ലഭിച്ചതു കാരണം വലിയൊരു വിഭാഗം കര്‍ഷകരും പച്ചക്കറി കൃഷികള്‍ ഉപേക്ഷിച്ച് ഇത്തവണ വ്യാപകമായി വെളുത്തുള്ളി കൃഷി ചെയ്തിരുന്നു. കാലാവസ്ഥ അനുകൂലമായിരുന്നതിനാല്‍ മികച്ച വിളവാണ് ലഭിച്ചത്. മറ്റു രാജ്യങ്ങളില്‍നിന്നു വ്യാപകമായി വെളുത്തുള്ളി എത്തിയതാണ് വിലയിടിയാന്‍ കാരണമെന്ന് കര്‍ഷകര്‍ പറയുന്നു. തമിഴ്‌നാട്ടിലെ വടുകപ്പട്ടി, മേട്ടുപ്പാളയം മാര്‍ക്കറ്റുകളില്‍നിന്നുള്ള കച്ചവടക്കാരാണ് നേരിട്ടെത്തി കര്‍ഷകരില്‍നിന്നു വെളുത്തുള്ളി വാങ്ങിക്കൊണ്ടു പോകുന്നത്. ഏറെ ഔഷധ ഗുണമേന്മയുള്ളതാണ് മലപ്പുണ്ട് എന്നറിയപ്പെടുന്ന വട്ടവടയിലെ വെളുത്തുള്ളി.
കച്ചവടക്കാര്‍ വട്ടവടയില്‍നിന്നു വാങ്ങുന്ന വെളുത്തുള്ളി മുന്‍ വര്‍ഷങ്ങളില്‍ പ്രധാന ഔഷധ നിര്‍മാണ കമ്പനികളാണ് വാങ്ങിയിരുന്നത്. കിലോയ്ക്ക് 350 രൂപയ്ക്കാണ് ഇത്തവണ കര്‍ഷകര്‍ വെളുത്തുള്ളി വിത്തുകള്‍ വാങ്ങി കൃഷി ചെയ്തത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
