തലശ്ശേരി: വ്യാജ ഇന്ത്യന്‍ കറന്‍സി കൈവശംവെക്കുകയും വിനിമയം നടത്താൻ ശ്രമിക്കുകയും ചെയ്ത കേസില്‍ പ്രതികള്‍ക്ക് 10 വര്‍ഷം കഠിനതടവും 25,000 രൂപ വീതം പിഴയും ശിക്ഷ വിധിച്ചു. ഒന്നാം പ്രതി തളിപ്പറമ്പ് ചെര്‍ക്കള വേളാപുരത്ത് കരയില്‍ വി.കെ. ഉബൈസ് (44), രണ്ടാം പ്രതി തളിപ്പറമ്പ് ഞാറ്റുവയൽ ചപ്പന്‍ ഹൗസില്‍ സി.എച്ച്. സിറാജ് (37) എന്നിവരെയാണ് തലശ്ശേരി അഡീഷനല്‍ ജില്ല സെഷന്‍സ് കോടതി (രണ്ട്) ജഡ്ജി ടിറ്റി ജോര്‍ജ് ശിക്ഷിച്ചത്. 489 (ബി), 489 (സി) വകുപ്പുകൾ പ്രകാരമാണ് പ്രതികളെ അഞ്ച് വർഷം വീതം കഠിന തടവുകൾക്ക് ശിക്ഷിച്ചത്. പിഴയടച്ചില്ലെങ്കിൽ ആറുമാസം കൂടി തടവനുഭവിക്കണമെന്നും ഉത്തരവിൽ പറയുന്നു. 2009 ജൂലൈ 26നാണ് കേസിനാസ്പദമായ സംഭവം നടന്നത്. വ്യാജ കറന്‍സി ഉപയോഗിച്ച് വിനിമയം നടത്തുന്നുണ്ടെന്ന രഹസ്യവിവരത്തിന്റെ അടിസ്ഥാനത്തില്‍ അന്നത്തെ കണ്ണൂർ ടൗൺ സി.ഐ ആയിരുന്ന പി.പി. സദാനന്ദൻ കണ്ണൂർ താവക്കരയിലുള്ള ശക്തി ശ്രീലക്ഷ്‌മി ലക്കി ടോണ്‍ എന്ന സ്ഥാപനത്തില്‍ വെച്ചാണ് ഒന്നാം പ്രതി ഉബൈസിനെ 3,000 രൂപയുടെ വ്യാജ കറന്‍സി സഹിതം പിടികൂടിയത്. തുടര്‍ന്ന് നടത്തിയ അന്വേഷണത്തിലാണ് ഉബൈസിന്റെ തളിപ്പറമ്പിലെ താമസസ്ഥലത്തു വെച്ച് രണ്ടാം പ്രതിയായ സി.എച്ച്. സിറാജിനെ പിടികൂടിയത്. 34,000 രൂപയുടെ വ്യാജ കറന്‍സിയും ഇയാളില്‍നിന്ന് കണ്ടെത്തി.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
