കോന്നി : കാണാൻ ഏഴഴകുണ്ടെങ്കിലും കൃഷി നശിപ്പിക്കുന്ന കാര്യത്തിൽ മയിലുകളും പിന്നിലല്ല. തണ്ണിത്തോട്, കൊക്കാതോട്, കല്ലേലി, ഐരവൺ, തേക്കുതോട് തുടങ്ങി കോന്നിയിലെ വിവിധ ഭാഗങ്ങളിൽ മയിൽ ശല്യം രൂക്ഷമാവുകയാണ്. രാത്രിയിൽ വീടുകളുടെ മുകളിലും മരത്തിലും കുറ്റികാടുകളുമായി വാസമുറപ്പിക്കുന്ന മയിലുകൾ പകൽ സമയങ്ങളിൽ കൂട്ടത്തോടെ ആണ് കൃഷിയിടത്തിൽ എത്തി വിളകൾ നശിപ്പിക്കുന്നത്.
പയർ, വെണ്ട, ചീര, വാഴ തൈകൾ, ഇഞ്ചി തുടങ്ങി എല്ലാവിധ കാർഷിക വിളകളും കൊത്തി നശിപ്പിക്കുന്നത് പതിവായി മാറിയിരിക്കുകയാണ്. കാട്ടുപന്നികളെയും ആനകളെയും സൗരോർജ്ജ വേലി കൊണ്ട് തുരത്താം എന്നിരിക്കെ പറന്നെത്തുന്ന മയിലുകളെ എങ്ങനെ തുരത്തും എന്ന ആശങ്കയിലാണ് കർഷകർ. കല്ലേലി റോഡ്, കൂടൽ രാജഗിരി ഭാഗം, പറക്കുളം തുടങ്ങിയ സഥലങ്ങളിൽ എല്ലാം മയിലുകളെ വ്യാപകമായി കാണുവാൻ കഴിയും. മാത്രമല്ല റോഡിൽ ഇറങ്ങുന്ന മയിലുകൾ വാഹന യാത്രക്കാർക്കും ഭീഷണിയാകാറുണ്ട്.
റോഡിൽ നിലയുറപ്പിക്കുന്ന മയിലുകൾ മണിക്കൂറുകൾക്ക് ശേഷമായിരിക്കും മടങ്ങുക. ഇവറ്റകൾ റോഡിൽ നിൽക്കുന്നത് ശ്രദ്ധിക്കാതെ ഇരുചക്ര വാഹന യാത്രക്കാർ അപകടത്തിൽ പെടുന്നതിനുള്ള സാധ്യതയും ഏറെയാണ്. മലയോര മേഖലയിൽ കാട്ടുപന്നിയും കുരങ്ങും ആനയുമെല്ലാം കർഷകരുടെ ജീവിതം പ്രതിസന്ധിയിലാക്കുന്നതിനോട് ഒപ്പം തന്നെ മയിൽ ശല്യവും കർഷകരുടെ ഉറക്കം കെടുത്തിയിരിക്കുകയാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
