ജനപ്രിയ വെയറബിൾ നിർമ്മാതാക്കളായ ഫയർ ബോൾട്ട് ഇന്ത്യയിൽ പുതിയൊരു സ്മാർട്ട് വാച്ച് കൂടി പുറത്തിറക്കി. ഫയർ ബോൾട്ട് അൾട്ടിമേറ്റ് (Fire-Boltt Ultimate) എന്ന വാച്ചാണ് കമ്പനി ലോഞ്ച് ചെയ്തിരിക്കുന്നത്. 240×240 പിക്സൽ റെസല്യൂഷനോടുകൂടി വൃത്താകൃതിയിലുള്ള ഡിസ്പ്ലേയുയും വാച്ചിലുണ്ട്. ബ്ലൂടൂത്ത് ബേസ്ഡ് കോളിങ് സപ്പോർട്ടും ഹെൽത്ത്, ഫിറ്റ്നസ് ട്രാക്കിങ് ഫീച്ചറുകളും ഈ സ്മാർട്ട് വാച്ചിൽ കമ്പനി നൽകിയിട്ടുണ്ട്. സ്റ്റെയിൻലെസ് സ്റ്റീൽ ഡിസൈനുമായി വരുന്ന സ്റ്റൈലിഷ് വാച്ചാണ് ഇത്. ഫയർ ബോൾട്ട് അൾട്ടിമേറ്റ് സ്മാർട്ട് വാച്ചിന് 1,999 രൂപയാണ് വില, നിലവിൽ ഔദ്യോഗിക ഫയർ-ബോൾട്ട് വെബ്‌സൈറ്റിലൂടെ വാങ്ങാൻ ലഭ്യമാണ്. ലോഞ്ച് ഓഫറിന്റെ ഭാഗമായിട്ടാണ് വാച്ച് ഈ വിലയ്ക്ക് ലഭ്യമാകുന്നത്. ബ്ലാക്ക്, സിൽവർ, ഗോൾഡ് എന്നിങ്ങനെ മൂന്ന് നിറങ്ങളിലാണ് ഫയർ ബോൾട്ട് അൾട്ടിമേറ്റ് സ്മാർട്ട് വാച്ച് ലഭ്യമാകുന്നത്. വാച്ചിന്റെ ലെതർ സ്ട്രാപ്പുള്ള വേരിയന്റിന് 1,799 രൂപയാണ് വില. കറുപ്പ്, തവിട്ട് നിറങ്ങളിലുള്ള സ്ട്രാപ്പുകളിലാണ് ഫയർ ബോൾട്ട് അൾട്ടിമേറ്റ് സ്മാർട്ട് വാച്ച് ലഭ്യമാകുന്നത്.
ഫയർബോൾട്ട് അൾട്ടിമേറ്റിന്റെ വൃത്താകൃതിയിലുള്ള ഡിസ്‌പ്ലേയുടെ വശങ്ങളിലായി രണ്ട് ബട്ടണുകളാണുള്ളത്. ഈ വാച്ച് വെള്ളവും പൊടിയും പ്രതിരോധിക്കുന്നതിനുള്ള ഐപി68 റേറ്റിങ്ങുമായി വരുന്നു. സ്റ്റെയിൻലെസ് സ്റ്റീൽ കൊണ്ടാണ് ഫയർ ബോൾട്ട് അൾട്ടിമേറ്റ് സ്മാർട്ട് വാച്ച് നിർമ്മിച്ചിരിക്കുന്നത്. 1.39 ഇഞ്ച് ഡിസ്പ്ലേയാണ് വാച്ചിലുള്ളത്. 270mAh ബാറ്ററിയാണ് ഫയർ ബോൾട്ട് അൾട്ടിമേറ്റ് വരുന്നത്. ഇത് സ്മാർട്ട് വാച്ചുകളിൽ വച്ച് വലുത് തന്നെയാണ്. ഐഒഎസ്, ആൻഡ്രോയിഡ് സ്മാർട്ട്‌ഫോണുകളിൽ വാച്ച് കണക്റ്റ് ചെയ്ത് ഉപയോഗിക്കാം. വാച്ചിന്റെ ഏറ്റവും വലിയ സവിശേഷത ബ്ലൂട്ടൂത്ത് കോളിങ് തന്നെയാണ്. കോളുകൾ എടുക്കാൻ ഉപയോക്താക്കളെ സഹായിക്കുന്ന ഈ വാച്ചിൽ മികച്ച കോളിങ് എക്സ്പീരിയൻസിനായി മൈക്രോഫോണും സ്പീക്കറും നൽകിയിട്ടുണ്ട്. ഫോൺ പോക്കറ്റിൽ ഇരിക്കുമ്പോൾ തന്നെ കണക്റ്റ് ചെയ്ത ഫയർ ബോൾട്ട് അൾട്ടിമേറ്റിലൂടെ വരുന്ന കോളുകൾ എടുക്കാനും കോളുകൾ വിളിക്കാനും സാധിക്കും.
ഫയർ ബോൾട്ട് അൾട്ടിമേറ്റ് സ്മാർട്ട് വാച്ച് മെറ്റൽ ഫിനിഷുള്ള ഡയലുമായിട്ടാണ് വരുന്നത്. വൃത്താകൃതിയിലുള്ള ഡയലാണ് ഇത്. എസ്പിഒ2 ട്രാക്കിങ്, ഹാർട്ട്ബീറ്റ് മോണിറ്ററിങ്, സ്ത്രീകളുടെ ആരോഗ്യ ട്രാക്കിങ് എന്നിങ്ങനെയുള്ള ഹെൽത്ത് ഫീച്ചറുകളുമായിട്ടാണ് സ്മാർട്ട് വാച്ച് വരുന്നത്. സ്പോർട്സ് ഫീച്ചറുകളുടെ കാര്യത്തിലും ഈ വാച്ച് ഒട്ടും പിന്നിലല്ല. ഉറക്കവും സ്ത്രീകളുടെ ആർത്തവവും ട്രാക്ക് ചെയ്യാൻ ഈ വാച്ചിന് സാധിക്കും. സൈക്ലിങ്, നീന്തൽ പോലുള്ള സ്പോർട്സ് ട്രാക്കിങ്ങിന്റെ വലിയൊരു നിരയും ഈ വാച്ചിൽ ഫയർബോൾട്ട് നൽകിയിട്ടുണ്ട്. ഫയർ ബോൾട്ട് അൾട്ടിമേറ്റ് സ്മാർട്ട് വാച്ച് കണക്റ്റ് ചെയ്യുന്ന ഫോണിൽ കമ്പാനിയൻ ആപ്പ് ഇൻസ്റ്റാൾ ചെയ്തുകൊണ്ട് ഫിറ്റ്നസുമായി ബന്ധപ്പെട്ട ഡാറ്റയും മറ്റ് വിവരങ്ങളും ട്രാക്ക് ചെയ്യാൻ സാധിക്കും. ആപ്പിലൂടെ തന്നെ വാച്ച് ഫെയ്‌സുകൾ മാറ്റാനുള്ള ഓപ്ഷനും ഫയർ ബോൾട്ട് നൽകിയിട്ടുണ്ട്. കണക്റ്റുചെയ്‌ത സ്മാർട്ട്‌ഫോണിൽ ഫോട്ടോയെടുക്കാൻ റിമോട്ട് കൺട്രോൾ, മ്യൂസിക് കൺട്രോളുകൾ, അലാറം ക്ലോക്ക്, ടൈമർ, സ്റ്റോപ്പ്‌വാച്ച്, കാലാവസ്ഥാ അലേർട്ടുകൾ എന്നിവയെല്ലാം ഫയർ ബോൾട്ട് അൾട്ടിമേറ്റ് സ്മാർട്ട് വാച്ചിലുണ്ട്. പ്രീ-ഇൻസ്റ്റാൾ ചെയ്ത ചില ഗെയിമുകളും ഈ വാച്ചിന്റെ പ്രത്യേകതയാണ്.
