പത്തനംതിട്ട : പത്തനംതിട്ടയില്‍ ദുരിതാശ്വാസ പ്രവര്‍ത്തനത്തിനായി കൊല്ലത്തുനിന്നും മത്സ്യ തൊഴിലാളികള്‍ നാളെ (8) രാവിലെ എത്തും. 15 ബോട്ടുകള്‍ ഉള്‍പ്പെടെയാണ് മത്സ്യത്തൊഴിലാളികള്‍ എത്തുക. പത്തനംതിട്ട ജില്ലാ കളക്ടര്‍ പി.ബി. നൂഹ് അഭ്യര്‍ഥിച്ചതു പ്രകാരം കൊല്ലം ജില്ലാ കളക്ടര്‍ ബി. അബ്ദുള്‍ നാസര്‍ മത്സ്യതൊഴിലാളി പ്രതിനിധികളുമായി സംസാരിച്ചതിനെ തുടര്‍ന്നാണ് തീരുമാനം. 2018ലും 2019ലും വെള്ളപ്പൊക്കമുണ്ടായപ്പോള്‍ രക്ഷാപ്രവര്‍ത്തനത്തിനായി പത്തനംതിട്ട ജില്ലാ ഭരണകൂടം കൊല്ലം ജില്ലയില്‍ നിന്നുള്ള മത്സ്യത്തൊഴിലാളികളുടെ സഹായം തേടിയിരുന്നു.
