തുർക്കി : വടക്കന്‍ തുര്‍ക്കിയിലെ കരിങ്കടല്‍ തീരപ്രദേശത്ത് മഹാ പ്രളയത്തിൽ മരണസംഖ്യ 31 ആയി ഉയര്‍ന്നു. 31 മരണങ്ങളില്‍ 29 ഉം സംഭവിച്ചത് കസ്റ്റമോണിയ പ്രവിശ്യയിലാണ്. പ്രളയത്തില്‍ നിരവധി കെട്ടിടങ്ങളും വീടുകളും റോഡുകളും പാലങ്ങളും അപ്പാടെ തകര്‍ന്നു. ദുരിത മേഖലകളില്‍ രക്ഷാപ്രവര്‍ത്തനം പുരോഗമിക്കുകയാണ്. 330 ഗ്രാമങ്ങളില്‍ വൈദ്യുതി ബന്ധം വിച്ഛേദിക്കപ്പെട്ടു. 1,700 പേരെ ഒഴിപ്പിച്ചു. റോഡുകളിലൂടെ വാഹനങ്ങള്‍ ഒഴുകിനടന്നു. തുര്‍ക്കിയില്‍ കാട്ടുതീ ദുരിതം വിതച്ച്‌ വൈകാതെയാണ് വടക്കന്‍ മേഖലയില്‍ പ്രളയമുണ്ടായിരിക്കുന്നത്.
