പ്രളയത്തെ നേരിടാൻ വാരി മാറ്റിയ മണ്ണും ചെളിയും വീണ്ടും പമ്പയിലേക്ക് പ​തി​ച്ചു

റാ​ന്നി : കാലവർഷം വീണ്ടും ശക്തി പ്രാപിക്കുമെന്ന കാലാവസ്ഥ നിരീക്ഷണ വകുപ്പിൻ്റെ  റിപ്പോർട്ടിനെ തുടർന്ന് പ്രളയത്തെ നേരിടാൻ  അധികൃതർ പമ്പയുടെ തീ​ര​ങ്ങ​ളി​ൽ നിന്ന് വാരി​ക്കൂ​ട്ടി​യി​ട്ട മ​ണ്ണും ച​ളി​യും തി​രി​കെ പ​മ്പാ​ന​ദി​യി​ൽ ത​ന്നെ പ​തി​ച്ചു. ലക്ഷക്കണക്കിന് രൂപയുടെ നഷ്ടമാണ് ഇതുമൂലം സർക്കാരിന് ഉണ്ടായിരിക്കുന്നത്.

ഈ ​വ​ർ​ഷം മഴ ശ​ക്തി​പ്രാ​പി​ക്കു​ന്ന​തി​നു​ മു​ൻപ് ലക്ഷക്കണക്കിന് രൂപ ചിലവഴിച്ച് ജ​ല​വി​ഭ​വ വകു​പ്പിൻ്റെ നേതൃത്വത്തിൽ ന​ട​ത്തി​യ പ​ദ്ധ​തി​യാ​ണ് ഫ​ലം ​കാ​ണാ​തെ​ പോ​യ​ത്. റാ​ന്നി താ​ലൂ​ക്കിലെ പ​ഴ​വ​ങ്ങാ​ടി, വ​ട​ശ്ശേ​രി​ക്ക​ര, പെ​രു​നാ​ട്, ചെ​റു​കോ​ൽ, റാ​ന്നി, നാ​റാ​ണം​മൂ​ഴി, അ​യി​രൂ​ർ, വെ​ച്ചൂ​ച്ചി​റ പ​ഞ്ചാ​യ​ത്തു​ക​ളി​ലെ 27 ക​ട​വു​ക​ളി​ൽ​ നി​ന്നാ​ണ്​ മ​ണ്ണും ച​ളി​യും നീ​ക്കം ചെ​യ്ത​ത്.

2018ലുണ്ടായ മ​ഹാ​പ്ര​ള​യ​ത്തി​ൽ ഡാ​മു​ക​ളി​ൽ നി​ന്ന​ട​ക്കം വ​ലി​യ തോ​തി​ൽ മ​ണ്ണും ച​ളി​യും ന​ദീ​തീ​ര​ങ്ങ​ളി​ൽ അ​ടി​ഞ്ഞു​കൂ​ടി​യി​രു​ന്നു.  ഇനി ഒരു പ്രളയം വരാതിരിക്കാനുള്ള അതിനേ നേരിടാനുള്ള മുൻകരുതൽ എന്ന നിലയിലാണ് പദ്ധതിപ്രവർത്തികമാക്കിയത്. മ​ണ​ലും ച​ളി​യും നാ​ല് മീ​റ്റ​ർ ആ​ഴ​ത്തി​ൽ​വ​രെയാണ് കോ​രി​ മാ​റ്റി​യി​രു​ന്നത്.

എ​ന്നാ​ൽ പമ്പാനദീതീരത്ത് വാ​രി​ക്കൂ​ട്ടി​യ മ​ൺ​കൂ​ന​ക​ൾ മ​ഴ​യി​ൽ ഒ​ലി​ച്ച് വീണ്ടും ന​ദി​യി​ലെ​ത്തി. ഇതു കൂടാതെ മണ്ണും ചെളിയും വാരിയെടുത്ത് ഇട്ടിരുന്ന തി​ട്ട​യും പ​ല​യി​ട​ത്തും ഇ​ടി​ഞ്ഞു​താ​ണു. റാ​ന്നി​യി​ലെ ക​ട​വു​ക​ളി​ൽ​നി​ന്ന് വാ​രി​യെ​ടു​ക്കു​ന്ന മണ്ണ് പ​ഞ്ചാ​യ​ത്തു​ക​ൾ ആ​വ​ശ്യ​പ്പെ​ടുന്നതിനനുസരിച്ച് പൊ​തു​സ്ഥ​ല​ങ്ങ​ളും മറ്റും നി​ക​ത്തു​ന്ന​തി​നാ​യി ഉ​പ​യോ​ഗി​ക്കാ​മെ​ന്ന അധികൃതരുടെ നി​ർ​ദേ​ശ​വും ഇതോടെ പാഴ്വാക്കായി മാറി.