കോന്നി : പുറത്ത് നിന്നും നാം വാങ്ങി കഴിക്കുന്ന ഭക്ഷണങ്ങൾ നമ്മെ രോഗത്തിന്‍റെ തടവറയിലേക്കാണ് നയിക്കുന്നതെന്ന് സംസ്ഥാന കൃഷി വകുപ്പ് മന്ത്രി പി പ്രസാദ് പറഞ്ഞു. പ്രമാടം നേതാജി ഹയർ സെക്കണ്ടറി സ്‌കൂളിൽ ആരംഭിച്ച മധുരമം ഹരിതം പദ്ധതി ഉദഘാടനം ചെയ്ത് സംസാരിക്കുകയായിരുന്നു അദ്ദേഹം. നാം കഴിക്കുന്ന ഭക്ഷണം ആണ് ജീവിതത്തിന്‍റെയും മരണത്തിന്‍റെയും തിരഞ്ഞെടുപ്പ് നടത്തുന്നത്. കൃഷി ചെയ്യാത്തവർ എല്ലാം കൃഷിയുടെ ആനുകൂല്യം പറ്റുന്നവർ ആണ്. വാങ്ങി കഴിക്കുമ്പോൾ ലാഭം മാത്രമാണ് നമ്മുടെ ലക്ഷ്യം.
എന്നാൽ അത് കാലക്രമേണ നമ്മെ രോഗത്തിലേക്ക് തള്ളിവിടും. എന്നാൽ നാം അത് തിരിച്ചറിയുന്നില്ല. കർഷകർ എങ്ങനെ ആണ് പ്രവർത്തിക്കുന്നത് എന്ന് നാം മനസിലാക്കണം. പമ്പയും അച്ചൻകോവിലാറും ഒഴുകുന്ന ജില്ലയിൽ ധാരാളം കരിമ്പ് വിളഞ്ഞിരുന്നു. നമ്മുടെ ജില്ലയിൽ എന്തുകൊണ്ട് ഇത് വീണ്ടും പ്രാവർത്തികമാക്കി കൂടാ എന്നതാണ് ഈ കുട്ടികൾ നമുക്ക് കാട്ടി തരുന്നത് എന്നും മന്ത്രി കൂട്ടിച്ചേർത്തു. അഡ്വ കെ യു ജനീഷ് കുമാർ എം എൽ എ അധ്യക്ഷത വഹിച്ചു.
കാർഷിക ക്ലബ്ബ് ഉദ്ഘാടനം ബി രവീന്ദ്രൻപിള്ള നിർവഹിച്ചു. പ്രമാടം ഗ്രാമ പഞ്ചായത്ത് വൈസ് പ്രസിഡണ്ട് അമൃത സജയൻ,ഗ്രാമ പഞ്ചായത്ത് അംഗം ലിജ ശിവപ്രകാശ്,പി റ്റി എ പ്രസിഡണ്ട് ഫ. ജിജി തോമസ്,നേതാജി ഹയർ സെക്കണ്ടറി സ്‌കൂൾ പ്രിൻസിപ്പൽ ദിലീപ് ആർ,കോന്നി അഗ്രികൾച്ചറൽ അസിന്റന്റ് ഡയറക്ടർ ഷിജുകുമാർ,പ്രമാടം കൃഷി ഓഫീസർ ഇൻചാർജ്ജ് ഷിബിൻ ഷാജി,അസിസ്റ്റന്റ് അഗ്രികൾചറൽ ഓഫീസർ ഷിബിൻ ഷാജി,പ്രമാടം അസിസ്റ്റന്റ് അഗ്രികൾച്ചറൽ ഓഫീസർ സരസ്വതി എസ്,സി പി ഐ കൂടൽ മണ്ഡലം സെക്രട്ടറി സി കെ അശോകൻ,കൂടൽ മണ്ഡലം അസിസ്റ്റന്റ് സെക്രട്ടറി സന്തോഷ് കൊല്ലൻപടി ,മണ്ഡലം സെക്രട്ടറിയേറ്റ് അംഗം ബി രാജേന്ദ്രൻ പിള്ള,ബാലൻ മാസ്റ്റർ,പ്രദീപ് തുടങ്ങിയവർ പങ്കെടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
