ഇടുക്കി : കാന്തല്ലൂര്‍ പാളപ്പെട്ടി ഗോത്രവര്‍ഗക്കുടിയില്‍ നിരവധിയാളെ ആക്രമിച്ച് പരിക്കേല്‍പ്പിച്ച ഒറ്റയാന്‍ വരയാടിനെ വലയിട്ട് പിടിക്കാന്‍ ആലോചന. വരയാടിനെ സുരക്ഷിത സ്ഥാനത്തേക്ക് മാറ്റാന്‍ അനുമതി ലഭിക്കുന്നതിന് ചീഫ് വൈല്‍ഡ് ലൈഫ് വാര്ഡന് ശുപാര്‍ശ സമര്‍പ്പിച്ചിട്ടുണ്ട്. മൂന്നാര്‍ വാര്ഡന് എസ്‌വി വിനോദാണ് ശുപാര്‍ശ നല്‍കിയിരിക്കുന്നത്. അനുമതി ലഭിച്ചാല്‍ വരയാടിനെ ഇരവികുളം ദേശീയോദ്യാനത്തിലെ രാജമല മേഖലയില്‍ തുറന്നുവിടാനാണ് ആലോചിക്കുന്നത്. അക്രമിയായ വരയാട് ചെറിയ ജീവിയായതിനാല്‍ മയക്കുവെടി വെക്കാതെ വലയിട്ട് പിടിക്കാനാണ് ആലോചിക്കുന്നത്. വനംവകുപ്പ് വാച്ചര്‍മാരടക്കം പാളപ്പെട്ടിക്കുടിയിലെ എട്ടുപേര്‍ക്കാണ് കഴിഞ്ഞ രണ്ടുമാസത്തിനിടയില്‍ വരയാടിന്റെ ആക്രമണത്തിൽ പരുക്കേറ്റത്. ഇതില്‍ രണ്ട് പേരുടെ നില ഗുരുതരമായിരുന്നു.
വളര്‍ത്ത് ആടുകള്‍ക്കൊപ്പം വര്‍ഷങ്ങളായി ഒത്തുചേര്‍ന്ന് നടക്കുന്ന വരയാടാണ് ആക്രമണകാരിയാവുന്നത്. പലപ്പോഴും ആദിവാസികള്‍ വളര്‍ത്തുന്ന ആടുകളുമായി കൊമ്പുകോര്‍ത്ത് ആടുകള്‍ ചത്തിട്ടുണ്ട്. മറയൂര്‍ ചന്ദന ഡിവിഷന്‍ ഉദ്യോഗസ്ഥരും ചിന്നാര്‍ വന്യജീവി സങ്കേതത്തിലെ ഉദ്യോഗസ്ഥരും മറ്റു ജീവനക്കാരും വരയാടിനെ ഉള്‍വനത്തില്‍ കയറ്റിവിടാന്‍ പലവട്ടം ശ്രമിച്ചെങ്കിലും വിജയിച്ചിരുന്നില്ല. ഒറ്റയാനായി നടക്കുന്ന വരയാടിന് ഇണചേരാന്‍ കഴിയാത്ത സാഹചര്യമാണ് ഉള്ളത്. സമാധാനപ്രിയരായ വരയാടുകള്‍ ഇണചേരേണ്ട സമയങ്ങളില്‍ കൂടുതല്‍ അക്രമകാരികളായി മാറും. ഇതായിരിക്കാം ഈ വരയാട് ആക്രമണത്തിന് തുനിയുവാനുള്ള കാരണമെന്നാണ് കരുതുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
