കൊല്ലം ; കുളത്തുപ്പുഴയിൽ മ്ലാവിനെ വേട്ടയാടിയ നാല് പേർ അറസ്റ്റിലായി. മ്ലാവിനെ ഇറച്ചിയാക്കി കടത്തിയ സംഘത്തെയാണ് അഞ്ചൽ റേഞ്ച് വനംപാലകസംഘം പിടികൂടിയത്. ഇക്കഴിഞ്ഞ ജൂൺ പതിനൊന്നിനാണ് കുളത്തുപ്പുഴ ഓയിൽ പാം എസ്റ്റേറ്റിനുള്ളിൽ മ്ലാവിനെ വേട്ടയാടി ഇറച്ചി വില്പന നടത്തുന്നതായി വനപാലകർക്ക് രഹസ്യ വിവരം ലഭിച്ചത്. തുടർന്ന് കേസ് രജിസ്റ്റർ ചെയ്ത് അന്വേഷണം ആരംഭിച്ച അഞ്ചൽ റേഞ്ച് വനപാലക സംഘം കഴിഞ്ഞ ദിവസം പ്രതികളായ നാലുപേരെ അറസ്റ്റ് ചെയ്തത്. കുളത്തുപ്പുഴ സ്വദേശി ബിജു, കണ്ടൻ ചിറ സ്വദേശി ഷിബിൻ,കടമാൻകൊട് സ്വദേശി ബിംബിസാരൻ, മൈലമൂട് സ്വദേശി ഷൈജു എന്നിവരാണ് അറസ്റ്റിലായത്. ഇറച്ചി കടത്തിയ നാലു വാഹനങ്ങളും കസ്റ്റഡിയിലെടുത്തിട്ടുണ്ട്. ഓയിൽ പാം എസ്റ്റേറ്റിൽ പ്രതികളെ എത്തിച്ച് തെളിവെടുപ്പ് നടത്തി. ഇവരിൽ നിന്നും ഇറച്ചി വാങ്ങിയവർ ഉൾപ്പെടെ കൂടുതൽ ആളുകളും കേസിൽ പ്രതികൾ ആകും. കേസുമായി ബന്ധപ്പെട്ട് അന്വേഷണം കൂടുതൽ വിപുലമാക്കാനാണ് വനപാലക സംഘത്തിന്റെ തീരുമാനം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
