തിരുവല്ല പബ്ലിക് സ്റ്റേഡിയത്തില്‍ മാലിന്യ ശേഖരണം ; നഗരസഭക്കെതിരെ ഒളിമ്പിക്സ് അസോസിയേഷൻ

തിരുവല്ല : തിരുവല്ല പബ്ലിക് സ്റ്റേഡിയത്തില്‍ മാലിന്യ ശേഖരണം നടത്തുന്ന നഗരസഭയുടെ നടപടിക്കെതിരെ പത്തനംതിട്ട ജില്ല ഒളിമ്പിക്സ് അസോസിയേഷൻ പ്രസിഡണ്ട് അഡ്വ. കെ. പ്രകാശ് ബാബു രംഗത്ത്.  കേരള സർക്കാരിന്റെ ഖരമാലിന്യ പരിപാലന പദ്ധതി നടപ്പിലാക്കുവാന്‍ തിരുവല്ല നഗരസഭ കണ്ടെത്തിയ സ്ഥലമാണ് പബ്ലിക് സ്റ്റേഡിയം. കായിക താരങ്ങളുടെയും തിരുവല്ല നിവാസികളുടെയും അഭിമാന പദ്ധതിയായിരുന്നു തിരുവല്ല പബ്ലിക് സ്റ്റേഡിയം. ഇത് മാലിന്യപ്പറമ്പ് ആക്കാനുള്ള നഗരസഭയുടെ  നീക്കത്തിനെതിരെ പൊതുജനങ്ങളും കായികപ്രേമികളും കൈകോർക്കണമെന്നും പ്രകാശ് ബാബു പറഞ്ഞു.

കലാകാലങ്ങളായി തിരുവല്ല നഗരസഭ ഭരിച്ചിരുന്നവര്‍ സ്റ്റേഡിയത്തെ ഇഞ്ചിഞ്ചായി തകർക്കുകയായിരുന്നു. ഒരുകാലത്ത് തിരുവല്ലയുടെ അഭിമാനമായിരുന്ന പബ്ലിക് സ്റ്റേഡിയം ഇപ്പോള്‍ കാട് കയറി പ്രഭാതസവാരിക്ക്  പോലും കഴിയാത്ത വിധത്തിൽ തെരുവ് നായ്ക്കളുടെ വിഹാരരംഗമായി മാറ്റി. ജില്ലയിൽ പല സ്ഥലങ്ങളിലും പുതിയ സ്റ്റേഡിയങ്ങളും കായിക പദ്ധതികളും നടപ്പിലാക്കുമ്പോള്‍ തിരുവല്ലയിലെ സ്റ്റേഡിയം മാലിന്യ സംസ്കരണത്തിന് ഉപയോഗിക്കുവാനാണ് നഗരസഭയുടെ നീക്കം. ഇത് കായികപ്രേമികളോടും തിരുവല്ല നിവാസികളോടും കാണിക്കുന്ന കൊടിയ ക്രൂരതയാണ്. പബ്ലിക് സ്റ്റേഡിയം പുനരുദ്ധരിക്കുന്നതിന് പകരം മാലിന്യ പദ്ധതിക്കായി മാറ്റിവെക്കുന്നത് അംഗീകരിക്കാനാവില്ല. സ്റ്റേഡിയത്തിൽ നിലവിൽ സംഭരിച്ചിട്ടുള്ള മാലിന്യങ്ങൾ നീക്കം ചെയ്ത് കളിക്കളം ആക്കുന്നതിന് പകരം വീണ്ടും ഖര മാലിന്യങ്ങൾ സംഭരിക്കാനാണ് നഗരസഭയുടെ നീക്കമെങ്കില്‍ കായിക സംഘടനകളും പൊതുജനങ്ങളും ഒത്തുചേര്‍ന്നുകൊണ്ട് ശക്തമായ സമരപരിപാടികള്‍ ആരംഭിക്കുമെന്നും പത്തനംതിട്ട ജില്ല ഒളിമ്പിക്സ് അസോസിയേഷൻ പ്രസിഡണ്ട് അഡ്വ: കെ. പ്രകാശ് ബാബു പറഞ്ഞു.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033