തിരുവനന്തപുരം: സ്വര്‍ണക്കടത്ത് കേസില്‍ പ്രതിയായ കെ.ടി റമീസിനെ ഏഴ് ദിവസത്തേക്ക് എന്‍.ഐ.എ കസ്റ്റഡിയില്‍ വിട്ടു. ഇയാളുടെ നിര്‍ദ്ദേശപ്രകാരമാണ് സ്വര്‍ണക്കടത്ത് നടത്തിയതെന്ന് അന്വേഷണ ഉദ്യോഗസ്ഥര്‍ വ്യക്തമാക്കി.
ലോക്ക്ഡൗണ്‍ സമയത്ത് പരമാവധി സ്വര്‍ണം കടത്താന്‍ ഇയാള്‍ മറ്റുള്ളവരെ നിര്‍ബന്ധിച്ചിട്ടുണ്ടെന്നാണ് സൂചന. റമീസിന്റെ പ്രവര്‍ത്തനങ്ങളില്‍ ഭീകരബന്ധം സംശയിക്കുന്നുണ്ട്. ഇത് വിശദമായി അന്വേഷിക്കണം.
അതേസമയം, കേസുമായി ബന്ധപ്പെട്ട് മുഖ്യമന്ത്രിയുടെ മുന്‍ പ്രെെവറ്റ് സെക്രട്ടറി എം ശിവശങ്കറിനെ എന്‍.ഐ.എ ചോദ്യം ചെയ്യല്‍ തുടരുകയാണ്. എന്‍. ഐ.എയുടെ ദക്ഷിണമേഖലാ മേധാവി കെ.ബി. വന്ദനയുടെ നേതൃത്വത്തിലാണ് ചോദ്യം ചെയ്യല്‍.
