തിരുവനന്തപുരം: വിഷു-ഈസ്റ്റർ ലക്ഷ്യമിട്ട് കൃഷി ചെയ്ത ഉല്പന്നങ്ങൾ കൃഷി വകുപ്പ് കർഷക വിപണി വഴി സംഭരിക്കുമെന്ന് മുഖ്യമന്ത്രി അറിയിച്ചു. കർഷകർ ഈ വിപണികളെ പ്രയോജപ്പെടുത്തണമെന്നും അദ്ദേഹം ആവശ്യപ്പെട്ടു.
നിലവിലെ സാഹചര്യങ്ങൾ കാരണം കർഷകർക്ക് ഉല്പന്നങ്ങൾ വിറ്റഴിക്കാൻ ബുദ്ധിമുട്ട് കാണുന്നുണ്ട്. വിഷു ഈസ്റ്റർ വിപണി സജീവമാേകണ്ട ഘട്ടമാണ് ഇത്. ഈ ഘട്ടത്തിൽ അധികമായി ഉല്പാദിപ്പിക്കപ്പെട്ട പച്ചക്കറികൾ വിപണി കിട്ടാതെ പാഴാകുന്നത് കർഷകരെ സാരമായി ബാധിക്കും അതുകൊണ്ട് കൃഷി വകുപ്പ് കർഷക വിപണികൾ വഴി പച്ചക്കറികൾ സംഭരിക്കുന്നതിന് തീരുമാനിച്ചിട്ടുണ്ട്. കർഷകർ ഈ വിപണികളെ പ്രയോജനപ്പെടുത്തണം.
കർഷകർക്ക് മാത്രമല്ല സുരക്ഷിത സമൂഹത്തിനും ലഭ്യമാകുന്നതിന് ഇത് സഹായകമാകും. പഴം, പച്ചക്കറി വ്യാപാരികൾ അവർ വിൽക്കുന്ന ഉല്പന്നങ്ങളിൽ പ്രാദേശികമായി ലഭ്യമാകുന്നത് കേരളത്തിലെ കർഷകരിൽനിന്ന സംഭരിക്കാൻ തയ്യാറാകണമെന്ന് മുഖ്യമന്ത്രി പറഞ്ഞു.
