തിരുവനന്തപുരം : സംസ്ഥാനത്ത് ലോക്ഡൗണില്‍ ഇളവുകള്‍ വരുത്തി സര്‍ക്കാര്‍ ഉത്തരവിറങ്ങി. മൊബൈല്‍ ഫോണും കമ്പ്യൂട്ടറും നന്നാക്കുന്ന കടകള്‍ ചൊവ്വ, ശനി ദിവസങ്ങളില്‍ തുറക്കാം. ഗ്യാസ് സ്റ്റൗ നന്നാക്കുന്ന കടകള്‍, കൃത്രിമ അവയവങ്ങള്‍ വില്‍ക്കുകയും നന്നാക്കുകയും ചെയ്യുന്ന കടകള്‍, ശ്രവണ സഹായ ഉപകരണങ്ങള്‍ വില്‍ക്കുകയും നന്നാക്കുകയും ചെയ്യുന്ന കടകള്‍, കണ്ണട വില്‍പ്പന ഷോപ്പുകള്‍ എന്നിവക്കും ചൊവ്വ, ശനി ദിവസങ്ങളില്‍ പ്രവര്‍ത്തിക്കാം. അതേസമയം ഈ ഇളവുകള്‍ തീവ്രരോഗ വ്യാപനമുള്ള മലപ്പുറം ജില്ലക്ക് ബാധകമല്ല. സ്ത്രീകളുടെ ശുചിത്വ വസ്തുക്കള്‍ വില്‍പന സ്ഥലങ്ങളില്‍ എത്തിക്കാനുള്ള വാഹനങ്ങള്‍ക്കും അനുമതി നല്‍കി.
