ചെങ്ങന്നൂർ : സമഗ്രശിക്ഷാ കേരളം ബി.ആർ.സി. ചെങ്ങന്നൂരിന്‍റെ ആഭിമുഖ്യത്തിൽ ചങ്ങാതിക്കൂട്ടത്തിലെ അംഗങ്ങൾ ഭിന്നശേഷിക്കാരായ കൂട്ടുകാർക്ക് സമ്മാനങ്ങളുമായി വീടുകളിലേക്ക്. ഭിന്നശേഷിക്കാരായ കുട്ടികളുടെ വീട്ടിലെത്തി സമ്മാനങ്ങൾ നൽകുകയും കലാപരിപാടികൾ അവതരിപ്പിക്കുകയും ചെയ്യുന്നതിനായി ബി.ആർ.സി. ആവിഷ്‌കരിച്ച പദ്ധതിയാണ് ചങ്ങാതിക്കൂട്ടം. ഇതിൽ സാധാരണ സ്കൂളിലെ കുട്ടികളും ഓട്ടിസം സെന്ററിലെ കുട്ടികളും അധ്യാപകരും ജനപ്രതിനിധികളുമുണ്ട്. ഭിന്നശേഷിക്കാരായ കുരുന്നുകളെ സന്തോഷിപ്പിക്കുകയാണ് പദ്ധതികൊണ്ട് ഉദ്ദേശിക്കുന്നത്. കഴിഞ്ഞദിവസം മാന്നാർ 10-ാം വാർഡിലെ എബിന്റെ വീട്ടിൽ ചങ്ങാതിക്കൂട്ടമെത്തി സമ്മാനങ്ങൾ നൽകി. തുടർന്ന് മാന്നാർ ബ്രഹ്മോദയം കളരിസംഘം ചങ്ങാതിക്കൂട്ടത്തിനായി കളരി അവതരിപ്പിച്ചു. ചെങ്ങന്നൂർ ഓട്ടിസം സെന്ററിലെ അധ്യാപകർ പരിപാടിക്കു നേതൃത്വം നൽകി. മാന്നാർ പഞ്ചായത്തംഗം രാധാമണി ശശീന്ദ്രൻ ഉദ്ഘാടനം ചെയ്തു. ക്ലസ്റ്റർ കോർഡിനേറ്റർമാരായ ആർ. സിന്ധു, സൂസമ്മ ഡാനിയേൽ, മാന്നാർ ബ്രഹ്മോദയം കളരിഗുരുക്കൾ കെ.ആർ. രതീപ്, അധ്യാപകരായ മീനു അലക്സാണ്ടർ, ആർ. ജയലക്ഷ്മി, അജ സോണി, ഗോപിക, രക്ഷാകർത്തൃ പ്രതിനിധി അമ്മിണി രഘുദാസ് എന്നിവർ പങ്കെടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
