കൊച്ചി : ഇടുക്കി ജില്ലയിലെ പരുന്തുംപാറയിൽ റവന്യു ഭൂമി കയ്യേറിയവർക്കു ഹൈക്കോടതി നോട്ടിസിന് നിർദേശം നൽകി. കയ്യേറ്റക്കാരായ 37 പേരുടെ പട്ടിക സർക്കാർ സമർപ്പിച്ചതിനെ തുടർന്നാണ് നടപടി. ഇവരോട് രണ്ടാഴ്ചയ്ക്കകം മറുപടി നൽകാൻ ജസ്റ്റിസ് അനിൽ കെ.നരേന്ദ്രൻ, ജസ്റ്റി സ് എസ്. മുരളീകൃഷ്ണ എന്നിവരുൾപ്പെട്ട ഡിവിഷൻ ബെഞ്ച് നിർദേശിച്ചു. ഹർജിയിൽ പീരുമേട്, വണ്ടിപ്പെരിയാർ പഞ്ചായത്തുകളെ സ്വമേധയാ കക്ഷിചേർത്തിരുന്നു. വിഷയം ഒന്നിന് വീണ്ടും പരിഗണിക്കും. മൂന്നാർ മേഖലയിലെ കയ്യേറ്റങ്ങൾ ഒഴിപ്പിക്കണമെന്നാവശ്യപ്പെട്ട് വൺ എർത്ത് വൺ ലൈഫ് എന്ന സംഘടന നൽകിയ ഹർജിയാണ് പരിഗണിച്ചത്. ചൊക്രമുടിയിൽ മലയിടിച്ചുള്ള നിർമാണപ്രവർത്തനങ്ങൾ തടയാൻ സ്വീകരിച്ച നടപടികളുടെ റിപ്പോർട്ട് രണ്ടുദിവസത്തിനകം നൽകാൻ സർക്കാരിനു കോടതി നിർദേശം നൽകി. പ്രത്യേക അന്വേഷണ സംഘത്തിന്റെ റിപ്പോർട്ട് പ്രകാരം ഭൂവുടമകളുടെ പട്ടയം കലക്ടർ റദ്ദാക്കിയെന്നു സർക്കാർ അറിയിച്ചു. എന്നാൽ നീലക്കുറിഞ്ഞിയടക്കം നശിപ്പിക്കും വിധമാണ് മണ്ണെടുപ്പ് നടക്കുന്നതെന്ന് ഹർജിക്കാർ വ്യക്തമാക്കി. തുടർന്ന് ചൊക്രമുടിയുടെ ഫോട്ടോകൾ ഹാജരാക്കണമെന്നു കോടതി നിർദേശിച്ചു. വിഷയം 20ന് വീണ്ടും പരിഗണിക്കും.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
