ലക്നൗ : ബൈബിൾ പോലെയുള്ള മതഗ്രന്ഥങ്ങൾ വിതരണം ചെയ്യുന്നത് മതം മാറ്റത്തിനുള്ള പ്രേരണയല്ലെന്ന് അലഹബാദ് ഹൈക്കോടതി. ഉത്തർ പ്രദേശിലെ നിർബന്ധിത മതം മാറ്റ നിരോധന നിയമത്തിനു കീഴിൽ ഇത് വരില്ലെന്നും അലഹബാദ് ഹൈക്കോടതിയുടെ ലക്നൗ ബെഞ്ച് നിരീക്ഷിച്ചു. പട്ടികജാതി പട്ടികവർഗ വിഭാഗത്തിൽ പെട്ടയാളുകളെ ക്രിസ്തുമതത്തിലേക്ക് മാറാൻ പ്രേരിപ്പിച്ചു എന്ന കുറ്റത്തിൽ പോലീസ് പിടികൂടിയ രണ്ട് പേർക്ക് ജാമ്യം അനുവദിച്ചുകൊണ്ടാണ് കോടതിയുടെ നിരീക്ഷണം. ബൈബിൾ വിതരണം ചെയ്തത് ഈ നിയമത്തിനു കീഴിൽപെടുത്തി കേസെടുക്കാനാവുന്ന കുറ്റമല്ല. കേസിൽ കുറ്റാരോപിതരായിരുന്ന ജോസ് പാപ്പച്ചൻ, ഷീജ എന്നിവരുടെ ജാമ്യം തടയണമെന്ന ഹർജിയും കോടതി തള്ളി.
ഈ വർഷം ജനുവരി 24ന് ഒരു ബിജെപി നേതാവ് നൽകിയ പരാതിയിൽ ഇരുവർക്കുമെതിരെ പോലീസ് കേസെടുക്കുകയായിരുന്നു. പട്ടികജാതി പട്ടികവർഗ വിഭാഗത്തിൽപെട്ടയാളുകൾക്ക് ബൈബിൾ വിതരണം ചെയ്ത് അവരെ ക്രിസ്തുമതത്തിലേക്ക് മാറാൻ പ്രേരിപ്പിച്ചു എന്നായിരുന്നു കേസ്. പഠിപ്പിക്കുന്നതോ വിശുദ്ധ ഗ്രന്ഥങ്ങൾ വിതരണം ചെയ്യുന്നതോ വിദ്യാഭ്യാസം നേടാൻ വിദ്യാർത്ഥികൾക്ക് പ്രോത്സാഹനം നൽകുന്നതോ പരസ്പരം കലഹിക്കരുതെന്ന് ജനങ്ങളെ ഉപദേശിക്കുന്നതോ മദ്യപിക്കരുതെന്ന് പറയുന്നതോ നിയമപ്രകാരം തെറ്റല്ല. യുപി മതംമാറ്റ നിരോധന നിയമപ്രകാരം ബാധിക്കപ്പെട്ടയാൾക്കോ കുടുംബാംഗങ്ങൾക്കോ മാത്രമാണ് പരാതി നൽകാൻ കഴിയുക എന്നും കോടതി നിരീക്ഷിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
