തിരുവനന്തപുരം : രാജ്യം 75-ാം റിപ്പബ്ലിക്ക് ദിനം ആഘോഷിക്കുന്ന വേളയില്‍ തിരുവനന്തപുരം ശിശുക്ഷേമ സമിതിയിലെ കുട്ടികള്‍ക്കും ജീവനക്കാർക്കും അപ്രതീക്ഷിത മധുര സമ്മാനമൊരുക്കി ഹില്‍ ഇന്റഗ്രേറ്റഡ് ഡവലപ്പ്‌മെന്റ് ഫൗണ്ടേഷന്‍(ഹില്‍ഡെഫ്). നാളെയുടെ ലോകത്ത് പ്രതീക്ഷകളുടെ കാല്‍വയ്പ്പുകളുമായി നിരവധി കുട്ടികളാണ് കേരള സംസ്ഥാന ശിശുക്ഷേമ സമിതിയുടെ ലാളനയില്‍ വളര്‍ന്നുവരുന്നത്. ചില സാഹചര്യങ്ങളില്‍ തെരുവിലേക്ക് തള്ളപ്പെടുകയും അനാഥത്വത്തിലേക്ക് വലിച്ചെറിയപ്പെടുകയും ചെയ്യുന്ന ബാല്യങ്ങളെ ശിശുക്ഷേമ സമിതിയുടെ കരുതലിലൂടെ പുതിയ ജീവിതത്തിലേക്ക് കൊണ്ടുവരുന്നു. ഓരോ കുട്ടിയും അര്‍ഹിക്കുന്ന ജീവിതം ലഭിക്കാനായി അവര്‍ക്ക് ആവശ്യമായ പരിചരണങ്ങള്‍ സര്‍ക്കാര്‍ സംവിധാനങ്ങളുടേയും സുമനസ്സുകളുടേയും പ്രവര്‍ത്തനങ്ങളിലൂടെ ശിശുക്ഷേമ സമിതി നടത്തിവരുന്നുണ്ട്.
ഹിൽഡെഫ് ജനറൽ സെക്രട്ടറി അജി ബി. റാന്നി യുടെ നേതൃത്വത്തിൽ കേക്ക് മുറിച്ചും പങ്കുവച്ചും കുട്ടികള്‍ റിപ്പബ്ലിക്ക് ദിനത്തിന്റെ സന്തോഷത്തിന്റെ ഭാഗമായപ്പോൾ ഇവരിലൂടെ നാം പുതു തലമുറയുടെ പ്രതീക്ഷകള്‍ക്കും സന്തോഷം പകരുകയാണ് ചെയ്യുന്നത്. നാളെയുടെ വാഗാദാനങ്ങളായ പിഞ്ചോമനകള്‍ പാതിവഴിയില്‍ കൊഴിഞ്ഞുപോകാതെയും വാടിവീഴാതെയും കാക്കേണ്ടത് നമ്മുടെ ഉത്തരവാദിത്തങ്ങളിലൊന്നാണ്. കൃത്യമായ സ്‌നേഹവും, കരുതലും, പരിഗണനയും ഇവരെ സമൂഹത്തിലെ വിലപ്പെട്ട വ്യക്തിത്വങ്ങളാക്കി മാറ്റാന്‍കഴിയും. കുഞ്ഞു മനസ്സുകള്‍ക്ക് മധുരകരമായ സന്തോഷം നിറച്ചതിലൂടെ ഈ റിപ്പബ്ലിക്ക് ദിനം ഹില്‍ഡെഫിന്റെ പ്രവര്‍ത്തകര്‍ക്കും അവിസ്മരണീയമായി മാറിയെന്നും മാതൃവാത്സല്യം വേണ്ടുവോളം നൽകുന്ന സമിതിയിലെ ജീവനക്കാരെ എത്ര അഭിനന്ദിച്ചാലും മതിവരില്ലയെന്നും അജി ബി. റാന്നി പറഞ്ഞു.വി.അജികുമാർ, രമേശ് വി. ഭാസ്കരൻ,റോണി പൗലോസ് സ്വെറ്റി,ദീപ. ബി, ഷാജൻ തോമസ്, രാജീവ്. ആർ .ബി, എസ്. ബി.സുബിൻ കുമാർ എന്നിവർ പരിപാടികൾക്ക് നേതൃത്വം നൽകി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
