കര്‍ക്കിടകം പൊതുവേ ആരോഗ്യ ചിട്ടകള്‍ക്ക് പ്രധാനമാണ്. ശരീരം എളതായിരിയ്ക്കുന്ന സമയം, അതായത് ശരീരത്തിന്റെ രോഗപ്രതിരോധ ശേഷി ദുര്‍ബലമായ, രോഗസാധ്യതകള്‍ ഏറെയുള്ള കാലമാണിത്. ഇതിനാല്‍ തന്നെ പണ്ടു കാലം മുതല്‍ കര്‍ക്കിടകക്കാലത്ത് പല രീതിയിലും മരുന്നുകള്‍ സേവിയ്ക്കുന്നവരാണ് മലയാളികള്‍. പണ്ടു കാലത്ത് പാടത്തും പറമ്പിലും പണിയെടുത്ത് ജീവിച്ചിരുന്ന തലമുറയ്ക്ക് കര്‍ക്കിടകക്കാലത്തെ മഴയത്ത് പണിയെടുക്കാന്‍ സാധിയ്ക്കില്ല. ഇതിനാല്‍ ഈ മാസം ആരോഗ്യ ചിട്ടകള്‍ക്കായി മാറ്റി വെയ്ക്കാറുമുണ്ട്.
കര്‍ക്കിടകക്കാലത്ത് കഴിയ്ക്കുന്ന മരുന്നുകളില്‍ ഉലുവാക്കഞ്ഞി ഉലുവയും മറ്റ് ചേരുവകളും ചേര്‍ത്തുണ്ടാക്കുന്ന ഉലുവായുണ്ട തുടങ്ങിയ പല ഔഷധങ്ങളും നാം കഴിയ്ക്കാറുണ്ട്. ഇതില്‍ ഒന്നാണ് നവരക്കഞ്ഞി. ഇത് ഞവരയരി എന്നും അറിയപ്പെടുന്നു. ചുവപ്പ് നിറത്തിലുള്ള ഈ അരി ഏറെ ആരോഗ്യ ഗുണങ്ങള്‍ ഉള്ള ഒന്നാണ്. ഇത് മരുന്നു കഞ്ഞിയായി സേവിയ്ക്കാവുന്നതുമാണ്. ഔഷധമായും ആഹാരമായും ഉപയോഗിയ്ക്കാവുന്ന ഒന്നാണ്. 60 ദിവസം കൊണ്ട് ഉണ്ടാക്കുന്ന ഒന്നാണിത്. ഇതിനാല്‍ വളരെ കുറച്ച് മാത്രമേ ഇത് കൃഷി ചെയ്യുന്നുള്ളൂ. ഇതിനാല്‍ തന്നെ ഇതിന് വിലയും കൂടുതലാണ്.ആയുര്‍വേദത്തിലെ പ്രധാന ചികിത്സാവിധികളില്‍ ഒന്നാണ് ഞവരക്കിഞ്ഞി, കിഴി, ലേപ പ്രയോഗങ്ങള്‍.
ഞവരക്കിഴി ആയുര്‍വേദത്തില്‍ ഏറെ പ്രധാനമാണ്. ഇത് ശരീരത്തിന്റെ പല അസ്വസ്ഥതകള്‍ക്കും പരിഹാരവുമാണ്. കുട്ടികള്‍ക്ക് ഇത് തൂക്കം കൂടാന്‍ ഏറെ നല്ലതാണ്. പ്രത്യേകിച്ചും ഗര്‍ഭകാലത്ത് ഇത് കഴിച്ചാല്‍ കുഞ്ഞിന് തൂക്കം വര്‍ദ്ധിയ്ക്കും. സര്‍ജറി പോലുള്ള അവസ്ഥകളില്‍ ഇത് കഴിയ്ക്കുന്നത് മുറിവുകള്‍ മാറാന്‍ സഹായിക്കുന്നു. കുഞ്ഞുങ്ങള്‍ക്കും വയസായവര്‍ക്കും ഒരുപോലെ കഴിയ്ക്കാന്‍ സാധിയ്ക്കുന്ന ഒന്നാണിത്.
മുലപ്പാല്‍ ഉല്‍പാദനത്തിന് ഞവരയരിക്കഞ്ഞി നല്‍കാറുണ്ട്. ഇത് തേങ്ങാപ്പാലില്‍ വേവിച്ച് കഴിയ്ക്കുന്നതാണ് നല്ലത്. കര്‍ക്കിടക കഞ്ഞിയില്‍ ഇതേറെ പ്രധാനമാണ്. ശരീരത്തിന് പ്രതിരോധ ശേഷി നല്‍കാന്‍ ഇതേറെ നല്ലതാണ്. സോറിയാസിസ് പോലുള്ള ചര്‍മ രോഗങ്ങള്‍ക്ക് ഇത് പുരട്ടാറുമുണ്ട്. ഇത് വാത വേദന കുറയ്ക്കുന്ന ഒന്നാണ്. ഞവരക്കഞ്ഞി സൂപ്പര്‍ ഫുഡ് എന്ന ഗണത്തില്‍ പെടുത്താവുന്ന ഒന്നാണ്. പുരുഷ ബീജാരോഗ്യത്തിനും ബ്ലീഡിംഗ് പോലുള്ള പ്രശ്‌നങ്ങള്‍ക്കും ഇതേറെ നല്ലതാണ്. ദഹനാരോഗ്യം മെച്ചപ്പെടുത്തുന്നതിനും ഇതേറെ ഗുണകരമാണ്.
ഞവരയരി കൊണ്ട് ഔഷധക്കഞ്ഞി എങ്ങനെ തയ്യാറാക്കാം എന്നറിയൂ.
ഞവരയരി 100 ഗ്രാം, തേങ്ങാപ്പാല്‍ അരക്കപ്പ്, ഉഴിഞ്ഞ, കടലാടി അര കപ്പ്, ചുക്ക്, കുരുമുളക്, ജീരകം, തിപ്പലി, കുറുന്തോട്ടി, അതിമധുരം എന്നിവ ഉണക്കിപ്പൊടിച്ചത് 5 ഗ്രാംവീതം, ചുവന്നുള്ളി 5 അല്ലി, ഉപ്പ് എന്നിവ വേണം. അരി കഴുകി ഒരു ലിറ്റര്‍ വെള്ളത്തില്‍ ഇട്ടു വേവിയ്ക്കുക. ഇതിനു മുകളില്‍ ചുവന്നുള്ളിയും തേങ്ങാപ്പാലും ഉപ്പും ഒഴിയെയുള്ളവ ഒരു കിഴി കെട്ടി അരിയിലിട്ടു വേവിയ്ക്കുക. ഇതൊന്നു തിളച്ചു വരുമ്പോള്‍ 25 ഗ്രാം ഉലുവ, ചുവന്നുള്ളി എന്നിവയിട്ടു വേവിയ്ക്കുക. പിന്നീട് തേങ്ങാപ്പാലിനൊപ്പം ഉഴിഞ്ഞ്, കടലാടി തുടങ്ങിയ സസ്യങ്ങള്‍ അരച്ചു ചേര്‍ത്തത് ചേര്‍ത്തിളക്കി തിളപ്പിയ്ക്കണം. പിന്നീട് വാങ്ങി ചൂടാറുമ്പോള്‍ കിഴി നല്ലതു പോലെ ഇതിലേയ്ക്കു പിഴിഞ്ഞു മാറ്റി വച്ച് പാകത്തിന് ഉപ്പു ചേര്‍ത്ത് ചൂടോടെ കുടിയ്ക്കാം.
പ്രമേഹ രോഗികള്‍ക്ക് പൊതുവേ അരിയാഹാരം നല്ലതല്ല. എന്നാല്‍ ഇവര്‍ക്ക് ഞവരയരി കഴിയ്ക്കാവുന്നതാണ്. ഇത് ദോഷം വരുത്തില്ലെന്ന് മാത്രമല്ല, രക്തത്തിലെ ഷുഗര്‍ നിയന്ത്രിയ്ക്കാനും നല്ലതാണ്. ഇത് കഴിയ്ക്കുന്നത് ദഹനാരോഗ്യത്തെ മെച്ചപ്പെടുത്തുന്ന ഒന്ന് കൂടിയാണ്. ഫൈബര്‍ സമ്പുഷ്ടമാണ് ഇത് എന്നതിനാല്‍ തന്നെ മലബന്ധം പോലുളള പ്രശ്‌നങ്ങള്‍ക്കും ഇതേറെ നല്ലതാണ്. കര്‍ക്കിടകക്കാലത്ത് ഇത് മരുന്നു കഞ്ഞിയായി ഭക്ഷണത്തില്‍ ഉള്‍പ്പെടുത്താവുന്നതാണ്. ഒരു നേരത്തെ ഭക്ഷണത്തിന് പകരം വയ്ക്കാവുന്ന ഒന്നാണിത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
