പൂച്ചാക്കൽ : പാണാവള്ളിയിൽ അങ്കണവാടിയിലേക്ക് വൈദ്യുതിത്തൂൺ മറിഞ്ഞുവീണു. കുട്ടികളെ പെട്ടെന്നു മാറ്റാൻ കഴിഞ്ഞതിനാൽ അപകടമൊഴിവായി. പാണാവള്ളി പഞ്ചായത്ത് അഞ്ചാം വാർഡിലെ 55-ാം നമ്പർ അങ്കണവാടിയിലേക്കാണ് വൈദ്യുതിത്തൂൺ മറിഞ്ഞുവീണത്. റോഡിനു കുറുകെയാണ് വീണതെങ്കിലും റോഡിലൂടെ പോയവർക്കും അപകടമില്ല. വൈദ്യുതിപോസ്റ്റ് ചരിയുന്നതു കണ്ടപ്പോൾത്തന്നെ അങ്കണവാടി അധ്യാപിക സുമയും വർക്കർ സന്ധ്യയും ചേർന്ന് കുട്ടികളെ അവിടെനിന്നു പെട്ടെന്ന് ഒരു വീട്ടിലേക്കു മാറ്റി. തിങ്കളാഴ്ച ഉച്ചയ്ക്ക് 12 മണിയോടെയാണ് സംഭവം. മഴയായിരുന്നതിനാൽ പത്തോളം കുട്ടികൾ മാത്രമേ അങ്കണവാടിയിൽ വന്നിരുന്നുള്ളൂ. സമീപത്തെ ഒരു വീട്ടിൽ നിന്നിരുന്ന തേക്കുമരത്തിന്റെ കൊമ്പുകൾ വൈദ്യുതിക്കമ്പിയിലേക്ക് മറിഞ്ഞതുകൊണ്ടാണ് വൈദ്യുതിത്തൂൺ അടിഭാഗംവിട്ടു മറിഞ്ഞത്. വൈദ്യുതിബോർഡ് ഉദ്യോഗസ്ഥർ സ്ഥലത്തെത്തി ലൈൻ ഓഫ് ചെയ്തു. തുടർന്ന് തൂൺ തിരികെ സ്ഥാപിച്ചു. അങ്കണവാടിയുടെ മതിലിനും കൊടിയുയർത്തുന്ന തൂണിനും കേടുസംഭവിച്ചിട്ടുണ്ട്.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
