അബുദാബി വിമാനത്താവളത്തില്‍ നിന്ന് ഏറ്റവും കൂടുതല്‍ പേര്‍ യാത്ര ചെയ്യുന്നത് ഇന്ത്യന്‍ നഗരങ്ങളിലേക്ക്

അബുദാബി : അബുദാബി വിമാനത്താവളത്തില്‍ നിന്ന് ഏറ്റവും കൂടുതല്‍ പേര്‍ യാത്ര ചെയ്യുന്നത് ഇന്ത്യന്‍ നഗരങ്ങളിലേക്കെന്ന് കണക്കുകള്‍. ഏറ്റവും കൂ‌ടുതൽ പേർ യാത്ര ചെയ്യുന്നതിൽ ഒന്നാം സ്ഥാനത്തുള്ള ന​ഗരം മുംബൈയാണ്. കൊച്ചിക്ക് നാലാം സ്ഥാനമാണുളളത്. അബുദാബി വിമാനത്താവളം വഴി യാത്രചെയ്യുന്നവരുടെ എണ്ണത്തില്‍ ഈ വര്‍ഷം 67 ശതമാനം വര്‍ധന രേഖപ്പെടുത്തി. വിമാനത്താവള അധികൃതര്‍ പുറത്ത് വിട്ട ഏറ്റവും പുതിയ കണക്കിൽ നിന്നാണ് യാത്രക്കാരുടെ എണ്ണം വ്യക്തമാകുന്നത്. ഈ പട്ടികയില്‍ ഡല്‍ഹിയാണ് മൂന്നാം സ്ഥാനത്ത്. കഴിഞ്ഞ ആറുമാസത്തിനിടെ 4,61,081 പേരാണ് അബുദാബിയില്‍ നിന്ന് മുംബൈയിലേക്ക് പറന്നത്. പട്ടികയില്‍ രണ്ടാം സ്ഥാനത്തുള്ള ലണ്ടനിലേക്ക് പറന്നത് 3,74,017 യാത്രക്കാരാണ്. മൂന്നാം സ്ഥാനത്തുള്ള ഡല്‍ഹിയിലേക്ക് 3,31,722 പേരും നാലാം സ്ഥാനത്തുള്ള കൊച്ചിയിലേക്ക് 3,16,460 പേരും യാത്രചെയ്തു.

ഒരു കോടിയിലേറെ യാത്രക്കാരാണ് കഴിഞ്ഞ ആറുമാസത്തിനിടെ അബുദാബി വിമാനത്താവളം വഴി യാത്ര ചെയ്തത്. കഴിഞ്ഞ വര്‍ഷത്തിൻ്റെ ആദ്യ പകുതിയിൽ അബുദാബി വിമാനത്താവളം പ്രയോജനപ്പെടുത്തിയത് 61, 58,376 പേരായിരുന്നു. എന്നാല്‍ ഈ വര്‍ഷം യാത്രക്കാരുടെ എണ്ണം വലിയ തോതില്‍ ഉയര്‍ന്നു. വിമാന സര്‍വീസുകളുടെ എണ്ണത്തില്‍ 36 ശതമാനം വര്‍ധനയുണ്ടായി. 67,835 വിമാനങ്ങള്‍ ഈ വര്‍ഷം ജനുവരി മുതല്‍ ജൂണ്‍ വരെയുള്ള കാലയളവില്‍ വിവിധ രാജ്യങ്ങളിലേക്ക് സര്‍വീസ് നടത്തി. 27 വിമാനകമ്പനികള്‍ 114 നഗരങ്ങളിലേക്ക് അബുദാബി വിമാനത്താവളത്തില്‍ നിന്ന് സര്‍വീസ് നടത്തുന്നുണ്ട്.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033