സര്‍ക്കാര്‍ അറിയിപ്പുകള്‍ ; പത്തനംതിട്ട ജില്ല

സ്റ്റാഫ് നഴ്‌സ്: ഇന്റര്‍വ്യൂ 10ന്
കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ഇലന്തൂര്‍ സാമൂഹിക ആരോഗ്യകേന്ദ്രത്തില്‍ ആറ് മാസത്തേക്ക് താല്‍ക്കാലിക അടിസ്ഥാനത്തില്‍ സ്റ്റാഫ് നഴ്‌സിനെ നിയമിക്കുന്നു. ജിഎന്‍എം/ബിഎസ് സി നഴ്‌സിംഗ്, കേരള നഴ്‌സിംഗ് കൗണ്‍സില്‍ രജിസ്‌ട്രേഷന്‍ എന്നിവയാണ് യോഗ്യത. പ്രായപരിധി 40 വയസ്. പ്രതിമാസം 17000 രൂപ വേതനം ലഭിക്കും. താത്പര്യമുള്ളവര്‍ ബയോഡാറ്റ, യോഗ്യതാ രേഖകള്‍, എസ്എസ്എല്‍സി ബുക്ക്, പ്രവൃത്തിപരിചയം എന്നിവയുടെ അസലും പകര്‍പ്പും സഹിതം 10ന് രാവിലെ 11ന് സാമൂഹിക ആരോഗ്യ കേന്ദ്രത്തില്‍ അഭിമുഖത്തിന് ഹാജരാകണം.

വിദ്യാഭ്യാസ അവാര്‍ഡിന് അപേക്ഷിക്കാം
കര്‍ഷകതൊഴിലാളി ക്ഷേമനിധി ബോര്‍ഡിന്റെ പത്തനംതിട്ട ഓഫീസില്‍ അംഗങ്ങളായ തൊഴിലാളികളുടെ മക്കള്‍ക്ക് 2019-20 അദ്ധ്യയനവര്‍ഷത്തെ വിദ്യാഭ്യാസ/ഉന്നതവിദ്യാഭ്യാസ ധനസഹായത്തിന് അപേക്ഷ ക്ഷണിച്ചു. സര്‍ക്കാര്‍/ എയ്ഡഡ് സ്‌കൂളില്‍ വിദ്യാഭ്യാസം നടത്തിയവരും 2020 വര്‍ഷത്തെ എസ്എസ്എല്‍സി/ റ്റിഎച്ച്എസ്എല്‍സി പരീക്ഷയില്‍ 80ഉം അതില്‍ കൂടുതല്‍ പോയിന്റ് നേടിയവരും ഹയര്‍ സെക്കണ്ടറി, വി.എച്ച്.എസ്.സി അവസാനവര്‍ഷ പരീക്ഷയില്‍ 90 ശതമാനത്തില്‍ കുറയാതെ മാര്‍ക്ക് നേടിയവരും ഡിഗ്രി, പി.ജി., റ്റി.റ്റി.സി., ഐ.ടി.ഐ, ഐ.ടി.സി, പോളിടെക്‌നിക്, ജനറല്‍ നേഴ്‌സിങ്ങ്, പ്രൊഫഷണല്‍ ഡിഗ്രി, എം.ബി.ബി.എസ്, പ്രൊഫഷണല്‍ പി.ജി., മെഡിക്കല്‍ പി.ജി തുടങ്ങിയവയില്‍ അവസാനവര്‍ഷ പരീക്ഷകളില്‍ 80 ശതമാനത്തില്‍ കുറയാതെ മാര്‍ക്ക് നേടിയവരുമായ വിദ്യാര്‍ത്ഥികള്‍ക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി സെപ്തംബര്‍ 10. അപേക്ഷാഫോറവും കൂടുതല്‍ വിവരവും ജില്ലാ എക്‌സിക്യൂട്ടീവ് ഓഫീസില്‍ ലഭിക്കും. ഫോണ്‍ : 04682327415.

കേന്ദ്രീയ വിദ്യാലയത്തില്‍ ഒഴിവ്
ചെന്നീര്‍ക്കര കേന്ദ്രീയ വിദ്യാലയത്തില്‍ 2020-21 വര്‍ഷത്തേക്കുള്ള പതിനൊന്നാം ക്ലാസ് സയന്‍സ് വിഭാഗത്തില്‍ ഏതാനും സീറ്റുകള്‍ ഒഴിവുണ്ട്. ഒറ്റ പെണ്‍കുട്ടി ക്വാട്ടായിലേക്കും അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ആഗസ്റ്റ് ഏഴ്. രജിസ്ട്രേഷന്‍ ഫോറം chenneerkara.kvs.ac.in എന്ന വെബ്സൈറ്റില്‍ ലഭിക്കും. അപേക്ഷ മാര്‍ക്ക്ലിസ്റ്റിനൊപ്പം [email protected] എന്ന ഇ-മെയില്‍ വിലാസത്തില്‍ അയയ്ക്കണം.
ആറ് മുതല്‍ ഒമ്പതാം ക്ലാസ് വരെ ഒറ്റ പെണ്‍കുട്ടി ക്വാട്ടയിലേക്കുള്ള രജിസ്ട്രേഷനും ആരംഭിച്ചു. താത്പര്യമുള്ളവര്‍ മുകളില്‍ പറഞ്ഞിരിക്കുന്ന വെബ്സൈറ്റില്‍ നിന്നും രജിസ്ട്രേഷന്‍ ഫോറം ഡൗണ്‍ലോഡ് ചെയ്ത് [email protected] എന്ന ഇ-മെയില്‍ വിലാസത്തില്‍ ഈ മാസം ഏഴിനകം അപേക്ഷിക്കണം.

സ്റ്റാറ്റിസ്റ്റിക്കല്‍ ഇന്‍വസ്റ്റിഗേറ്റര്‍ ഇന്റര്‍വ്യൂ
ജില്ലയില്‍ ഒഴിവുളള മൂന്ന് സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ ഗ്രേഡ്-രണ്ട് തസ്തികയിലേക്ക് എംപ്ലോയ്‌മെന്റ് എക്‌സ്‌ചേഞ്ച് വഴി താല്‍ക്കാലിക നിയമനം നടത്തുന്നതിന് ജൂലൈ 21, 22, 23 തീയതികളില്‍ ജില്ലാ ഓഫീസില്‍ നടത്താനിരുന്ന ഇന്റര്‍വ്യൂ ഈ മാസം 10, 11, 12 തീയതികളില്‍ നടക്കും. ഉദ്യോഗാര്‍ഥികള്‍ കോവിഡ് മാനദണ്ഡങ്ങള്‍ പാലിച്ച് യഥാസമയം അഭിമുഖത്തിനു ഹാജരാകണമെന്ന് ഡെപ്യൂട്ടി ഡയറക്ടര്‍ അറിയിച്ചു. ഫോണ്‍: 0468-2220194.

ജില്ലാ ആസൂത്രണ സമിതി യോഗം
ജില്ലാ ആസൂത്രണ സമിതി യോഗം ഓഗസ്റ്റ് അഞ്ചിന് ഉച്ച കഴിഞ്ഞ് 3.30ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും. കോവിഡ് -19 മഹാമാരിയുടെ പശ്ചാത്തലത്തില്‍ ജില്ലാ ആസൂത്രണ സമിതിക്ക് പദ്ധതി സമര്‍പ്പിച്ചിട്ടുള്ള തദ്ദേശ ഭരണ സ്ഥാപനങ്ങള്‍ ഓണ്‍ലൈനായി യോഗത്തില്‍ പങ്കെടുക്കണം.

ജാഗ്രതാ നിര്‍ദേശം
കേന്ദ്ര കാലാവസ്ഥാ വകുപ്പ് പത്തനംതിട്ട ജില്ലയില്‍ ഓഗസ്റ്റ് അഞ്ചു മുതല്‍ എട്ടുവരെ തുടര്‍ച്ചയായ നാല് ദിവസം മഞ്ഞ അലര്‍ട്ട് പ്രഖ്യാപിച്ചു. ഈ ദിവസങ്ങളില്‍ ജില്ലയിലെ ഒറ്റപ്പെട്ട പ്രദേശങ്ങളില്‍ 64.5 മില്ലി മീറ്റര്‍ മുതല്‍ 115.5 മില്ലി മീറ്റര്‍ വരെ അളവില്‍ ശക്തമായ മഴ പെയ്യാന്‍ സാധ്യതയുണ്ട്. ജനങ്ങള്‍ ജാഗ്രത പുലര്‍ത്തുകയും കാറ്റ്, മഴ, ഇടിമിന്നല്‍ എന്നിവ മൂലമുള്ള നാശനഷ്ടങ്ങള്‍ ഒഴിവാക്കുന്നതിനായി മുന്‍കരുതല്‍ സ്വീകരിക്കണമെന്നും ജില്ലാ കളക്ടര്‍ പി.ബി. നൂഹ് അറിയിച്ചു. ജില്ലാ തല, താലൂക്ക് തല കണ്‍ട്രോള്‍ റൂമുകളുടെ ഫോണ്‍ നമ്പര്‍: ജില്ലാ എമര്‍ജന്‍സി ഓപ്പറേഷന്‍സ് സെന്റര്‍ -0468-2322515, 9188297112. ജില്ലാ കളക്ടറേറ്റ് -0468-2222515. താലൂക്ക് ഓഫീസ് അടൂര്‍ -04734-224826. താലൂക്ക് ഓഫീസ് കോഴഞ്ചേരി -0468-2222221. താലൂക്ക് ഓഫീസ് കോന്നി -0468-2240087. താലൂക്ക് ഓഫീസ് റാന്നി -04735-227442. താലൂക്ക് ഓഫീസ് മല്ലപ്പള്ളി -0469-2682293. താലൂക്ക് ഓഫീസ് തിരുവല്ല -0469-2601303.

ജനറല്‍ ആശുപത്രിയില്‍ നെഗറ്റീവ് പ്രഷര്‍ സിസ്റ്റത്തിന് ക്വട്ടേഷന്‍; അപേക്ഷ സ്വീകരിക്കുന്ന അവസാന ദിവസം നാളെ (5)
പത്തനംതിട്ട ജനറല്‍ ആശുപത്രിയില്‍ കോവിഡ് 19മായി ബന്ധപ്പെട്ട അടിയന്തര സാഹചര്യത്തില്‍ ഓപ്പറേഷന്‍ തീയറ്ററില്‍ നെഗറ്റീവ് പ്രഷര്‍ സിസ്റ്റം വാങ്ങുന്നതിന് അംഗീകൃത സ്ഥാപനങ്ങളില്‍ നിന്നുള്ള ക്വട്ടേഷനുകള്‍ നാളെ  (ആഗസ്റ്റ് 5 ബുധന്‍) രാവിലെ 11 വരെ സ്വീകരിക്കും. കൂടുതല്‍ വിവരങ്ങള്‍ ജനറല്‍ ആശുപത്രിയുടെ ഓഫീസില്‍ നിന്നും പ്രവര്‍ത്തി ദിവസങ്ങളില്‍ അറിയാം. ഫോണ്‍: 0468 2222364. (പിഎന്‍പി 3234/20)

പ്ലസ് വണ്‍ ഏകജാലകം ഹെല്‍പ്പ് ഡസ്‌ക്
ഒന്നാം വര്‍ഷ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ പ്രവേശനത്തിന് ബി.ആര്‍.സി തലത്തിലും ക്ലസ്റ്റര്‍ തലത്തിലും ഹെല്‍പ്പ് ഡസ്‌കുകള്‍ ആരംഭിച്ചു. ജില്ലയിലെ 53 പഞ്ചായത്തുകളിലും നാല് മുനിസിപ്പല്‍ പ്രദേശത്തുമുള്ള ക്ലസ്റ്റര്‍ സെന്ററുകളിലും 11 സബ്ജില്ലകളിലുമുള്ള ബ്ലോക്ക് റിസോഴ്‌സ് സെന്ററുകളിലും ഹെല്‍പ്പ് ഡസ്‌ക് 14 വരെ പ്രവര്‍ത്തിക്കും. സഹായം ആവശ്യമുള്ള വിദ്യാര്‍ഥികള്‍ അടുത്തുള്ള ബിആര്‍സിയുമായി ബന്ധപ്പെടണമെന്ന് സമഗ്രശിക്ഷ പത്തനംതിട്ട ജില്ലാ പ്രോജക്ട് ഓഫീസര്‍ അറിയിച്ചു. ബിആര്‍സികളുടെ ഫോണ്‍ നമ്പരുകള്‍ ചുവടെ.

അടൂര്‍- 04734 220620, ആറന്മുള – 0468 2289104, കോന്നി – 0468 2242475,
കോഴഞ്ചേരി – 0468 2211277, മല്ലപ്പള്ളി – 0469 2785453, പന്തളം – 04734 256055,
പത്തനംതിട്ട – 0468 2320913, പുല്ലാട് – 0468 2669798, റാന്നി – 04735 229883,
തിരുവല്ല – 0469 2631921, വെണ്ണിക്കുളം- 0469 2655984.

കോഴഞ്ചേരി താലൂക്കുതല ഓണ്‍ലൈന്‍ അദാലത്ത് 17ന്
കോഴഞ്ചേരി താലൂക്കുതല ഓണ്‍ലൈന്‍ അദാലത്ത് 17ന് നടത്തും. കളക്ടറേറ്റില്‍ നിന്നും വീഡിയോ കോണ്‍ഫറന്‍സിലൂടെ അക്ഷയകേന്ദ്രങ്ങള്‍ മുഖേന ജില്ലാ കളക്ടര്‍ പരാതി കേള്‍ക്കും. അക്ഷയകേന്ദ്രങ്ങളില്‍ ഫോണ്‍ മുഖേന ഏഴ് വരെ പരാതികള്‍ രജിസ്റ്റര്‍ ചെയ്യാം. രജിസ്റ്റര്‍ ചെയ്യുന്ന പരാതിയില്‍ ഫോണ്‍ നമ്പരും അക്ഷയകേന്ദ്രവും രേഖപ്പെടുത്തണം. വീഡിയോ കോണ്‍ഫറന്‍സിന്റെ സമയം പരാതിക്കാരുടെ ഫോണില്‍ സംരംഭകന്‍ അറിയിക്കും. പരാതിക്കാര്‍ തങ്ങള്‍ക്ക് നിര്‍ദേശിച്ച സമയത്ത് വീഡിയോ കോണ്‍ഫറന്‍സില്‍ പങ്കെടുക്കുന്നതിന് അക്ഷയകേന്ദ്രത്തിലെത്തണം. ജില്ലാ കളക്ടര്‍ക്ക് പൊതുജനങ്ങള്‍ ബോധിപ്പിക്കുന്ന പരാതികള്‍ ഇ-ആപ്ലിക്കേഷന്‍ വഴി സമര്‍പ്പിക്കുന്നതിനുള്ള സൗകര്യവും അക്ഷയ കേന്ദ്രങ്ങളിലുണ്ട്.