പുല്ലാട് : റോഡരികിൽ മാലിന്യം തള്ളുന്നത് പതിവായി. ആനമല എം.ടി.എൽ.പി. സ്കൂളിന് സമീപമുള്ള ഇടവഴിയിലാണ് മാലിന്യങ്ങൾ തള്ളുന്നത്. പുല്ലാട് വടക്കേ കവല-മുട്ടമൺ റോഡിൽനിന്ന് സ്കൂളിലേക്കുള്ള വീതി കുറഞ്ഞവഴിയിലെ വളവുകളിലാണ് മാലിന്യങ്ങൾ തള്ളുന്നത്. സ്കൂളിലേക്ക് കുട്ടികൾ നടന്നുപോകുന്നതും ഈ വഴിയിലൂടെയാണ്. ചാക്കുകളിലും പ്ളാസ്റ്റിക് കൂടുകളിലും തള്ളുന്ന മാലിന്യങ്ങൾ ചിതറിക്കിടന്ന് ദുർഗന്ധം വമിക്കുകയാണ്. റോഡിനോട് ചേർന്ന സ്ഥലത്തെ മാലിന്യം കാരണം വഴിയാത്രക്കാരും ദുർഗന്ധം സഹിക്കേണ്ട അവസ്ഥയിലാണ്. രാത്രികാലങ്ങളിൽ ഇരുചക്രവാഹനങ്ങളിലും ഓട്ടോറിക്ഷയിലും മാലിന്യങ്ങൾ തള്ളുന്നതായി നാട്ടുകാർ പറയുന്നു. മാലിന്യങ്ങൾ കാരണം തെരുവ് നായ്ക്കൾ കൂട്ടത്തോടെ ഈ വഴിയിലൂടെ എപ്പോഴും പോകുന്നത് കാണാം. വഴിയാത്രക്കാർക്കും നായ്ക്കൾ ഭീഷണിയാണ്. തിരുവല്ല- കോഴഞ്ചേരി മിനി ഹൈവേയിലേക്ക് എളുപ്പം എത്തിച്ചേരാനുള്ള വഴികൂടിയാണിത്. റോഡിന്റെ വശങ്ങളിൽ ആൾതാമസം കുറവുള്ള സ്ഥലങ്ങൾ നോക്കിയാണ് മാലിന്യങ്ങൾ സ്ഥിരമായി തള്ളുന്നത്. മാലിന്യം കുമിഞ്ഞുകൂടുമ്പോഴും അധികൃതരുടെ ഭാഗത്തുനിന്ന്‌ ഒരു നടപടിയുമുണ്ടാകുന്നില്ലെന്നും ആക്ഷേപമുണ്ട്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
